సమంత కొంప ముంచిన...హగ్స్ అండ్ కిసెస్ (ఫోటోలు)

అవార్డులతో మొదలైన కథ...

ఇటీవల సమంత ఉత్తమ నటిగా రెండు ఫిలింఫేర్ అవార్డులు అందుకున్నారు. ఇరవై ఏళ్ల క్రితం సమంత మాదిరి ప్రముఖ నటి రేవతి కూడా రెండు భాషల్లో ఫిలింఫేర్ అవార్డులు అందుకున్నారట. మళ్లీ ఇన్నేళ్ల తర్వాత సమంత రేవతి రేంజిని అందుకుంది.

సిద్దార్థ విష్ చేయడంతో....

రేవతి తర్వాత సమంతనే అలాంటి ఘనత సాధించింది అనే విషయాన్ని అందరికీ గుర్తు చేసిన సిద్ధార్థ.....ఈ విషయమై సమంతను విష్ చేసాడు. అభినందనలతో ముంచెత్తాడు. సిద్ధార్థ తెలిపిన అభినందనలకు సమంత ఇచ్చిన రిప్లై వివాదాస్పదం అయింది.

సమంత రిప్లై ఇలా....

సిద్ధార్థ అభినందించడంతో ఉబ్బితబ్బిబ్బయిన సమంత స్పందిస్తూ....ఈ విషయం తెలిసాక చెప్పలేని ఆనందం కలుగుతోంది. ఈ వేడుకలో నువ్వు(సిద్దార్థ) లేక పోవడం నిజంగా లేటుగా అనిపించింది అంటూ అనుమానాలకు తావిచ్చేలా ట్వీట్ చేసింది.

సమంత హగ్స్, కిసెస్

అంతటితో ఆగకుండా మరో అడుగు ముందుకేసిన సమంత....‘నీకు నా హగ్స్ అండ్ కిసెస్' అంటూ సిద్ధార్థకు ట్వీట్ ఇచ్చింది. ఇప్పటికే వీరి మధ్య ఎఫైర్ ఉందనే వార్తల నేపథ్యంలో సమంత చేసిన హగ్స్, కిసెస్ ట్వీట్ సంచలనం సృష్టించింది. వీరి మధ్య ఎఫైర్ వార్తలకు మరింత బలాన్ని ఇచ్చినట్లయింది.

ఖంగుతిన్న సమంత...

తన వ్యాఖ్యలే తమ మధ్య ఎఫైర్ ఉందనే పుకార్లకు బలాన్ని ఇచ్చిందనే విషయం తెలుసుకున్న సమంత ఖంగు తింది. ‘మీకు నా హగ్స్ అండ్ కిసెస్' అనే పదం నేను ప్రతి ఒక్కరికీ వాడతాను. కానీ అది ఎప్పుడు ఇంత ఇష్యూ కాలేదు. కానీ సిద్ధార్థ విషయంలో మాత్రం అనవసరం రాద్ధాంతం చేస్తున్నారని మండి పడింది.

స్నేహితులం మాత్రమే అన్న సమంత

సిద్దార్థకు, నాకు మధ్య ఎఫైర్ ఉందనడం కరెక్టు కాదు. సిద్దార్థ నాకు మంచి ఫ్రెండ్. నా శ్రేయోభిలాషుల్లో తను కూడా ఒకరు. అందుకే నా విజయం తనకు ఆనందాన్ని ఇచ్చింది. దానికి మలినాన్ని ఆపాదించడం సబబు కాదు అని ఘాటుగా రిప్లై ఇచ్చింది.