Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ముద్దు వివాదం: చావుదెబ్బలే అంటూ హీరోయిన్ సీరియస్ వార్నింగ్
పరిచయం లేని వ్యక్తులు వచ్చి ముద్దు పెట్టు అని అడిగితే ఏ అమ్మాయికైనా కోపం వస్తుంది. ధైర్య వంతురాలు, కోపిష్టి అమ్మాయి అయితే అలా అడిగితే చెంపచెల్లుమనిపిస్తుంది. కొందరైతే చెప్పుతో కొడతారు. మామూలు అమ్మాయిలకు ఉన్నట్లే హీరోయిన్లకు మనసు ఉంటుంది, మనోభావాలు ఉంటాయి.
సినిమాల్లో హీరోలకు ముద్దు పెడుతున్నావు కదా, మాకూ పెట్టు అని అడగటం ఎంత దారుణం. ఇలాంటి సంఘటనే ఇటీవల హీరోయిన్ అదా శర్మకు ఓ వ్యక్తి నుండి ఎదురైంది. అయితే అదా శర్మ తిరస్కరించడంతో... కొందరు ఆమెపై విమర్శలు చేయడం మొదలు పెట్టారట, అభిమానికి ముద్దు ఇస్తే తప్పేంటి? ఇవ్వొచ్చు కదా, అదేమీ హానికరంకాదు.... అంటూ ఆమెపై కొందరు కామెంట్స్ చేయడంతో ఈ విషయాన్ని సీరియస్గా తీసుకున్న అదా శర్మ ట్విట్టర్ ద్వారా ఫైర్ అయ్యారు.
Recommended Video
నన్ను రెచ్చగొట్టారు, అందుకే ఇలా
‘గడిచిన 3 ఏళ్ల కాలంలో ట్విటర్లో నేను ఎప్పుడూ ఇలా స్పందించలేదు. ముద్దు ఇవ్వనందుకు నన్ను కొందరు తమ మాటలతో రెచ్చగొట్టారు. నేనేదో అతడిని అవమాన పరిచినట్లు మాట్లాడుతున్నారు. అందుకే నేను ఇపుడు స్పందిస్తున్నాను. ఈ విషయాన్ని నేను అందరు ఆడపిల్లల తరఫు నుంచి మాట్లాడుతున్నాను... అంటూ అదా శర్మ ట్వీట్ చేశారు.
అది నిర్ణయించడానికి మీరెవరు?
ముద్దు ఇవ్వడం ప్రమాదకరం ఏమీ కాదు అంటూ కామెంట్లు పెడుతున్నారు. అదేమీ పెద్ద విషయం కాదని నన్ను విమర్శిస్తున్నారు. అయినా నా జీవితంలో ఏది చిన్న విషయం? ఏది పెద్ద విషయం? అని నిర్ణయించడానికి మీరెవరు?... అంటూ అదా శర్మ ఫైర్ అయ్యారు.
నా చేతిలో చావు దెబ్బలే
పరిచయం లేని ఒక అబ్బాయి నా వద్దకు వచ్చి ముద్దు ఇవ్వు అని అడిగితే... నా చేతిలో అయిపోయాడే. చావు దెబ్బలు కొడతాను. కాళ్లతో ఇష్టం వచ్చినట్లు తంతాను. నా దెబ్బలు ప్రాణాంతకంగా ఉంటాయి. ఆ సమయంలో మీ పురుషాంగానికి ఏమీ కాకుండా ఉంటే మీరు అదృష్టవంతులే.... అంటూ అదా శర్మ ఘాటుగా స్పందించారు.
అలా అని ఫిజికల్ కాంటాక్ట్ ఎక్స్పెక్ట్ చేస్తారా?
నేను నా చేతులు, కాళ్లు, వెన్ను భాగాలను ఎక్స్ ఫోజ్ చేస్తాను. దాని అర్థం మరొకరితో ఫిజికల్ కాంటాక్టుకు సిద్ధంగా ఉన్నానని అర్థం కాదు... అని అదా శర్మ అన్నారు.
సినిమాల్లో వేరు, నిజ జీవితంలో వేరు
కమాండో 2లో భావన రెడ్డి పబ్లిక్ ప్లేసులో ముద్దు పెడుతుంది. ‘హార్ట్ఎటాక్' చిత్రంలో హయాతి గంట సేపు ముద్దు పెడుతుంది. అవన్నీ నేను ప్రదర్శించిన పాత్రలు. కానీ, నిజ జీవితంలో నేను అదా శర్మను.... నిజ జీవితంలో నేను రియాక్ట్ అయ్యే తీరు, వేసుకునే దుస్తులు, నేను జీవించే విధానం వేరుగా ఉంటుంది అని తెలిపారు.
అబ్బాయిలు, పురుషులను గౌరవిస్తాను
నేను అబ్బాయిలు, పురుషులను గౌరవిస్తాను. నా జీవితంలో తండ్రి, తాతయ్య, స్నేహితులు, దర్శకులు, నటులు ఇలా ఎందరో అద్భుతమైన పురుషులు ఉన్నారు. నేను మాట్లాడేది పురుషులకు వ్యతిరేకంగా దయచేసి భావించవద్దు .... అని అదా శర్మ తెలిపారు.
దెయ్యం పాత్రలో చాలా మంది చంపా, నిజ జీవితంలో అలా చేయగలమా?
అయినా ‘హార్ట్ఎటాక్' చిత్రంలో నన్ను ముద్దు అడిగితే నేను కొట్టిన సన్నివేశం కూడా ఉంది. ఇలా సినిమా పాత్రలను ఊహించుకుని నిజ జీవితంలో కూడా ఇలాగే ఉండాలి అంటే ఎలా? అలా అయితే ‘1920' అనే చిత్రంలో నేను దెయ్యం పాత్రలో చాలా మందిని చంపేశాను, నిజ జీవితంలో అలా చేయగలమా? అని అదా శర్మ ప్రశ్నించారు.