twitter
    For Quick Alerts
    ALLOW NOTIFICATIONS  
    For Daily Alerts

    నాగార్జునకి కథ లేదన్న శ్రీకాంత్ అడ్డాల

    By Srikanya
    |

    హైదరాబాద్ : మసకబారుతున్న కుటుంబ అనుబంధాలకు మళ్లీవన్నెలద్దిన కథనే హీరోగా చేసి... ఇద్దరు ప్రముఖ హీరోలను ఆ కథనంలో నడిపిస్తూ.. తెలుగు సినిమా అంటే ఇదీ అని మరోసారి చెప్పిన సినీ దర్శకుడు శ్రీకాంత్‌ అడ్డాల. ఆయన తాజా చిత్రం 'సీతమ్మ వాకిట్లో సిరిమల్లె చెట్టు' విజయవంతం కావడంపై సినీ దర్శకుడు శ్రీకాంత్‌ అడ్డాల మీడియాతో మాట్లాడారు. ఆ సందర్భంగా తాను నాగార్జున తో సినిమా చేస్తున్నానంటూ వస్తున్న వార్తలను ఖండించారు. తన దగ్గర నాగార్జునకి కథ లేదని అన్నారు. ఈ చిత్రానికి ముందు కొత్త బంగారు లోకం విడుదల అయ్యాక... ఎడిటర్ మార్తాండ్ కె వెంకటేష్ ద్వారా నాగార్జున క్యాంప్ నుంచి వచ్చిన ఆఫర్ ని వదులుకున్నట్లు సమాచారం.

    శ్రీకాంత్ అడ్డాల మాట్లాడుతూ కుటుంబ నేపథ్యంతో సాగే ఈ చిత్రంలో మహేష్‌బాబు, వెంకటేష్‌ల నటన జీవం పోసిందన్నారు. చిరునవ్వుతో ఒక అడుగేస్తే మంచి స్నేహపూర్వక వాతావరణం తద్వారా కుటుంబం, సమాజం ఏర్పడుతుందని ఈ చిత్రంలోని కథ రుజువు చేసిందని చెప్పారు. నా ఆలోచనకు నిర్మాత దిల్‌రాజు ఇచ్చిన ప్రోత్సాహమే 'సీతమ్మ వాకిట్లో...' చిత్ర విజయమన్నారు. హింస, పోరాటాలు నేపథ్యంలో వస్తున్న చిత్రాలపై తాను ఎలాంటి వ్యాఖ్యలు చేయదలచుకోలేదన్నారు. కుటుంబ నేపథ్యం, మంచి కథతో చిత్రాలు రావాలని కోరుకునే వారిలో తాను మొదటివాడినని చెప్పారు.

    అలాగే తనకు సినీ దర్శకుడికా మారడానికి మీకు ప్రేరణ గురించి చెపుతూ... వాస్తవానికి దగ్గరగా ఉండి సున్నితమైన, భావోద్వేగమైన సన్నివేశాలు కలిగిన సినిమాలు ఎన్నో చూశా. ఆ ప్రేరణతోనే దర్శకుడిగా మారా. సినీ దర్శకులు దాసరి నారాయణరావు అంటే నాకు చాలా ఇష్టం. ఆయన సినిమాలు ఎక్కువ చూసేవాడ్ని అన్నారు. ఇక తాను ఠాగూర్‌, ఆర్య, బొమ్మరిల్లు చిత్రాలకు సహాయ దర్శకుడిగా పనిచేశా. నా తొలి చిత్రం 'కొత్తబంగారులోకం' ప్రేక్షకులను కదిలించింది. కుటుంబ కథా చిత్రాలు అందించాలనే లక్ష్యంతోనే సినీ రంగంలోకి అడుగుపెట్టా అన్నారు.

    ఇద్దరు పెద్ద కథనాయకులతో కుటుంబ కథతో 'సీతమ్మవాకిట్లో సిరిమల్లె చెట్టు' చిత్రం తీసిన అనుభవం గురించి చెపుతూ... ఈ చిత్రం తీసే సమయంలో ఆ హీరోలను కాకుండా కథనే నేపథ్యంగా తీసుకుని ముందుకు సాగా. మహేష్‌బాబుకు, వెంకటేష్‌కు గతంలో ఉన్న చిత్రాలకు భిన్నంగా ఈ చిత్రం మలిచే సమయంలో కొన్ని సన్నివేశాల్లో వారిద్దరూ అందించిన సహాయ సహకారాలు మరువలేను. సీతమ్మ వాకిట్లో చల్లని మల్లెచెట్టు ఉంటే ఎంత సువాసనగా ఉంటుందో అదే రీతిలో ప్రేమానుబంధాలతో కుటుంబం ముడిపడి ఉండాలనే ఆశయంతో చిత్రం తీసి విజయవంతం అయ్యా అన్నాడు.

    English summary
    Srikanth Addala, the man who made a touching emotional movie like 'Seethamma Vaakitlo...' needs a mention now. After making his first film 'Kotha Bangaru Lokam', this director got a call from Nagarjuna's camp. The star hero asked Srikanth to come up with a script that suits his image. But surprisingly, Srikanth made it clear that he is not having any story that suits Nag. And even when editor Marthand Venkatesh insisted Srikanth to develop a subject for Nag, the director stood by his word. One will wonder why Srikanth missed such a hot chance.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X