Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
పబ్లిక్ గా :సురేంద్ర రెడ్డిని ఏకేసిన రవితేజ
హైదరాబాద్: ‘ నా ప్రతి సినిమా విషయంలో నేను ఫైనల్ కాపీ చూసాక ఎలా ఉందనే దానిపై ఫైనల్ జడ్జ్ మెంట్ తీసుకుంటాను. కానీ ఈ సారి డైరెక్టర్ సురేందర్ రెడ్డికి వాల్యూ ఇచ్చి ఫైనల్ జడ్జ్ మెంట్ కి వదిలేసాను. కానీ నేను సినిమా లెంగ్త్ ఎక్కువైందని తనకి చెప్తూనే ఉన్నాను కానీ తనే వినలేదు. పర్ఫెక్ట్ గానే ఉందని అన్నాడు. ఫైనల్ గా రిలీజ్ అయ్యాక ఓ మంచి లెసన్ నేర్చుకున్నాడు. నేను కూడా కిక్ 2 పరంగా ఓ మంచి లెసన్ నేర్చుకున్నాను. నెక్స్ట్ కిక్ 3 ఉంటుంది కానీ ఆ సినిమా విషయంలో చాలా స్పెషల్ కేర్ తీసుకుంటానని' రవితేజ పబ్లిక్ గానే ఓ ఆంగ్ల దినపత్రికకు ఇచ్చిన ఇంటర్వూలో కామెంట్స్ పాస్ చేసాడు.
రకుల్ ప్రీత్ సింగ్ హీరోయిన్ గా నటించిన ఈ కిక్ 2 సినిమాని నందమూరి కళ్యాణ్ రామ్ నిర్మించాడు. రవితేజ హీరోగా సురేందర్రెడ్డి దర్శకత్వంలో రూపొంది మొన్న శుక్రవారం విడుదలైన చిత్రం ‘కిక్-2'. నందమూరి తారక రామారావు ఆర్ట్స్ పతాకంపై నందమూరి కల్యాణ్రామ్ నిర్మించారు. ఈ చిత్రం సెకండాఫ్ బోర్ కొట్టిందని,ఎంటర్టైన్మెంట్ తక్కువైందని కంప్లైంట్ లు వచ్చాయి. దాంతో చిత్రం కు నెగిటివ్ టాక్ వచ్చేసింది.
దాంతో వెంటనే దర్శక,నిర్మాతలు రంగంలోకి దిగి సెకండాఫ్ ని ఇరవై నిముషాలు కట్ చేసి,ట్రిమ్ చేసి వదిలారు. అయినా ఈ సినిమాకు లాస్ లు తప్పేటట్లు లేవు. దాదాపు 10 కోట్లు లాస్ వస్తుందని అంచనా వేస్తున్నారు.
ప్రపంచ వ్యాప్తంగా ఈ చిత్రం కలెక్షన్స్ పూర్తిగా డ్రాప్ అవటం మొదలయ్యాయి. సోమవారం,మంగళవారం, బుధవారం మూడు రోజులు పూర్తిగా కలెక్షన్స్ తగ్గిపోవటం మొదలైంది. మరో ప్రక్క మహేష్ బాబు శ్రీమంతుడు చిత్రం హౌస్ ఫుల్స్ తో దూసుకుపోతోంది.
సురేంద్ర రెడ్డి మాట్లాడుతూ ''దర్శకుడిగా పూర్తిస్థాయిలో సంతృప్తినిచ్చిన చిత్రం 'కిక్ 2'. ఇదివరకు తీసిన 'కిక్'లో వినోదమే ఎక్కువ. ఈసారి వినోదంతోపాటు భావోద్వేగాలు ఉండాలనుకొన్నా. ఒక కథలో రెండింటినీ సమపాళ్లలో జోడించడం ఆషామాషీ కాదు. చాలా జాగ్రత్తలు తీసుకొని చిత్రాన్ని తీర్చిదిద్దా. విరామం తర్వాత వినోదం కాస్త తక్కువైందనే ఫిర్యాదులొచ్చాయి. దీంతో కొన్ని సన్నివేశాల్ని తొలగించాం'' అన్నారు.
అలాగే...''కొత్తగా ఏ ప్రయత్నం చేసినా సంతృప్తి లభిస్తుంది. తరచుగా ప్రేక్షకుల ముందుకొచ్చే చిత్రాలకి భిన్నంగా 'కిక్ 2' చేశా. మా ప్రయత్నం మంచి ఫలితాన్నిచ్చింది. ఈ సినిమాకి 'రేసుగుర్రం' తరహాలో ప్రారంభవసూళ్లు లభించాయి''అన్నారు సురేందర్రెడ్డి.
'కిక్ 2' మొదలైన విధానం గురించి చెబుతూ ....
''రేసుగుర్రం' తర్వాత రామ్చరణ్తో సినిమా చేయాలనుకొన్నా. ఇంతలో కల్యాణ్రామ్ఈ సినిమా చేద్దామన్నారు. భారీ హంగులతో కూడిన కథ కావడంతో బడ్జెట్ ఎక్కువే అవుతుందని ముందుగానే వూహించాం. కల్యాణ్రామ్ లేకపోతే 'కిక్ 2'నే లేదు. ఎక్కడా రాజీపడకుండా సినిమా తీశాడు. సినిమాలో అడుగడుగునా నిర్మాణ విలువలు కనిపిస్తాయి. రవితేజ నటన ప్రేక్షకుల్ని ఆకట్టుకుంటోంది''అన్నారు.
ఈ చిత్రంలో రవితేజ సరసన రకూల్ ప్రీత్ సింగ్ నటించింది. ఈ సినిమాకు కథ: వక్కంతం వంశీ, సంగీతం: యస్.యస్.థమన్, కెమెరా: మనోజ్ పరమహంస, ఎడిటింగ్: గౌతంరాజు, ఆర్ట్: నారాయణరెడ్డి, ఫైట్స్: రామ్-లక్ష్మణ్.