అందుకే ఫారెన్ లో సెటిల్ కావాలని కోరుకున్న శ్రీదేవి..ఇక్కడైతే ఆ అవకాశం ఉండదని!

Recommended Video

Boney Kapoor Finally Responds On Sridevi's Loss

శ్రీదేవికి నటనే అంతా

బాల్యం నుంచే నటన ప్రారంభించిన శ్రీదేవికి అదే ప్రపంచంగా మారింది. తన పూర్తి స్థాయి సమయాన్ని నటనకే కేటాయించడంతో తక్కువసమయంలోనే స్టార్ హీరోయిన్ గా ఎదిగింది. శ్రీదేవి అందానికి, అభినయానికి దాసోహం కానీ చిత్ర పరిశ్రమ లేదు.

మిగిలిన వ్యవహారాలన్నీ తల్లే

శ్రీదేవి నటనపై మాత్రమే దృష్టి పెట్టేది. దర్శక నిర్మాతలతో చర్చించడం, పారితోషకం వంటి విషయాలన్నీ ఆమె తల్లి చూసుకునేవారని శ్రీదేవి సన్నిహితులు చెబుతుంటారు.

చదువు కూడా ఇంట్లోనే

బాల్యం నుంచే నటన మొదలు పెట్టడం వలన శ్రీదేవి చదువుపై దృష్టి పెట్టలేదని ఆమె బాబాయ్ ఇటీవల ఇంటర్వ్యూ లో వెల్లడించారు. విషయం పరిజ్ఞానానికి అవసరమైన విద్యని మాత్రం ఇంట్లోనే ఉపాధ్యాయుడి ద్వారా నేర్చుకున్నట్లు తెలుస్తోంది.

మీడియాతో మాట్లాడడం చాలా అరుదు

శ్రీదేవి మీడియాతో మాట్లాడడం, ఇంటర్వ్యూ లు ఇవ్వడం చాలా అరుదుగా జరుగుతుంటుంది. ఏ విషయాన్ని అయినా ఆమె కుటుంబ సభ్యులతోనే చర్చిస్తారు.

విదేశాలలో స్థిరపడాలని

శ్రీదేవి సినిమాల్లో నటిస్తున్న సమయంలో ఆమె ఇచ్చిన ఇంటర్వ్యూ తాలూకు విషయాలు సోషల్ మీడియాలో చక్కర్లు కొడుతున్నాయి. సినీకెరీర్ ముగించాక తాను విదేశాల్లో సెటిల్ కావాలని కోరుకుంటున్నట్లు శ్రీదేవి అప్పట్లో తెలిపారు.

దానివెనుక సరదా కోరిక

విదేశాల్లో తాను ఎందుకు సెటిల్ కావాలని కోరుకుంటున్నానో శ్రీదేవి సరదా కారణాన్ని తెలిపారు. తనకు ఐస్ క్రీం మరియు మిల్క్ షేక్స్ అంటే చాలా ఇష్టం అని, విదేశాల్లో అయితే వాటిని బాగా తినవచ్చు అని శ్రీదేవి తెలిపారు.

ఇక్కడ ఆ అవకాశం దొరకడం లేదు

ఇండియాలో కూడా ఎంతో రుచికరమైన ఆహార పదార్థాలు, ఐస్ క్రీమ్స్, మిల్క్ షేక్స్ ఉన్నప్పటికీ సినిమాలతో బిజీగా ఉంటున్న కారణంగా వాటిని ఆస్వాదించే అవకాశం రావడం లేదని శ్రీదేవి నవ్వుతూ ఓ ఇంటర్వ్యూ లో తెలిపింది.