బాయ్ ఫ్రెండుతో ఇలియానా సీక్రెట్ ఎంగేజ్మెంట్?

By Bojja Kumar

Published: Wednesday, October 7, 2015, 12:50 [IST]

హైదరాబాద్: ఒకప్పటి సౌత్ స్టార్ హీరోయిన్, ప్రస్తుత బాలీవుడ్ హీరోయిన్ ఇలియాన గత కొంతకాలంగా ఆస్ట్రేలియాకు చెందిన ఆండ్రూ నీబోన్‌తో డేటింగ్ చేస్తున్న సంగతి తెలిసిందే. ఇద్దరి మధ్య ప్రేమాయణం తారా స్థాయికి చేరుకుంది. తాజాగా అందుతున్న సమాచారం ప్రకారం వీరిద్దరికి ఇటీవల సీక్రెట్ గా ఎంగేజ్మెంట్ జరిగినట్లు తెలుస్తోంది.

ఆండ్రూ నీబోన్‌ ఆస్ట్రేలియాకు చెందిన ఐటి ప్రొఫెషనల్, ఫోటోగ్రాఫర్ కూడా. ఇద్దరి మధ్య ప్రేమాయణం జరుగుతున్న విషయం బహిరంగమే. ఇలియానా నటించిన ‘హ్యాపీ ఎండింగ్' సినిమాలో ఆండ్రూ నీబోన్‌ అతిథి పాత్ర కూడా పోషించారు. ఇద్దరూ కలిసి ఎన్నో బాలీవుడ్ ఫంక్షన్లకు హాజరయ్యారు. అయితే లోకల్ మీడియాకు మాత్రం ఇలియానా తన బాయ్ ఫ్రెండ్ గురించి చెప్పడానికి ఇష్టపడటం లేదు.

ఇద్దరికీ ఇటీవలే ఎంగేజ్మెంట్ జరిగిందని, వచ్చే ఏడాది పెళ్లి చేసుకునేందుకు సిద్ధమవుతున్నారని సమాచారం. అయితే ఈ విషయమై ఇప్పటివరకు ఇంకా ఇలియానా నుండి ఎలాంటి అఫీషియల్ ప్రకటన రాలేదు. సోషల్ మీడియాలో ఇందుకు సంబంధించిన విషయాలు చక్కర్లు కొడుతున్నాయి.