బిపాసా బసు పెళ్లి వేడుక: మెహందీ సెర్మనీ (ఫోటోస్)

By Bojja Kumar

Published: Saturday, April 30, 2016, 12:57 [IST]

ముంబై: బాలీవుడ్ ముదురు బ్యూటీ బిపాసా తన ప్రియుడు కరణ్ సింగ్ గ్రోవర్ ను వివాహం చేసుకోబోతున్న సంగతి తెలిసిందే. 37 ఏళ్ల ఈ బ్యూటీ కొంతకాలంగా అతనితో సహజీవనం చేస్తోంది. ఈ రోజు(ఏప్రిల్ 30)న వీరి వివాహం జరుగబోతోంది.

బిపాసా బసు పెళ్లి వేడుక...బాలీవుడ్ ప్రముఖుల రాకతో మరింత సందడిగా మారింది. ఇటీవల జరిగిన బ్యాచిలర్ పార్టీలో బాలీవుడ్ స్టార్స్ శిల్పా శెట్టి, ఎవలీన్ శర్మ, మరికొందరు బాలీవుడ్ సెలబ్రిటీలు పాల్గొన్నారు. నిన్న మెహందీ సెర్మనీ, సంగీత్ కార్యక్రమం జరిగింది.

మెహందీ, సంగీత్ కార్యక్రమాల్లో బాలీవుడ్ ప్రముఖులు శిల్పా శెట్టి, సోఫీ చౌదరి, షమితా శెట్టి తదితరులు పాల్గొన్నారు. బిపాసా-కరణ్ వివాహ వేడుకలో భాగంగా జరిగిన మెహందీ, సంగీత్ కార్యక్రమాల్లో చాలా ఎంజాయ్ చేసామని షమితా శెట్టి సోషల్ మీడియా ద్వారా తెలియజేసారు.

కరణ్ సింగ్ గ్రోవర్ నివాసంలో వివాహ వేడుక జరుగబోతోంది. వివాహ వేడుకకు ఫ్యామిలీ మరియు క్లోజ్ ఫ్రెండ్స్ మాత్రమే హాజరవుతున్నారు. వివాహం తర్వాత బాలీవుడ్ సెలబ్రిటీల కోసం గ్రాండ్ గా వెడ్డింగ్ రిసెప్షన్ ఏర్పాటు చేస్తున్నారు.

బిపాసా బసు-కరణ్ సింగ్ గ్రోవర్ వివాహం బెంగాలి సాంప్రదాయం ప్రకారం జరుగబోతోంది. కరణ్ సింగ్ గ్రోవర్ కు ఇది మూడో వివాహం. అతడికి అంతకు ముందు శ్రద్ధా నిగమ్, జెన్నిఫర్ విన్జెట్‌తో వివాహం జరిగింది. తర్వాత విడిపోయారు. ఇపుడు బిపాసాను మూడో పెళ్లి చేసుకుంటున్నాడు. అయితే బిపాసాకు మాత్రం ఇది మొదటి వివాహమే.

స్లైడ్ షోలో ఫోటోస్...