twitter
    For Quick Alerts
    ALLOW NOTIFICATIONS  
    For Daily Alerts

    Ustaad Bhagat Singh నిర్మాతలకు ఐటీ షాక్.. మైత్రీ మూవీ మేకర్స్ ఆఫీసులో రైడ్స్!

    |

    తెలుగు ఇండస్ట్రీలో ఇప్పుడు అగ్రనిర్మాణ సంస్థగా కొనసాగుతున్న మైత్రి మూవీ మేకర్స్ ప్రముఖ హీరోలతో భారీ బడ్జెట్ సినిమాలను నిర్మిస్తున్న విషయం తెలిసిందే. అయితే సినిమా పనుల్లో బిజీగా ఉండగా సోమవారం రోజు హఠాత్తుగా ఇన్కమ్ ట్యాక్స్ రైడ్స్ జరగడం హాట్ టాపిక్ గా మారింది. హైదరాబాదులో ఉన్నటువంటి మైత్రి మూవీ మేకర్స్ ఆఫీసులో ఆదాయపు పన్ను శాఖ అధికారులు గ్యాప్ లేకుండా సోదాలు నిర్వహించారు.

    ఇటీవల మైత్రి మూవీ మేకర్స్ డిస్ట్రిబ్యూషన్ లోకి కూడా అడుగుపెట్టింది. ఇక ఈ సంస్థలో సంక్రాంతికి రెండు భారీ బడ్జెట్ సినిమాలు కూడా ప్రేక్షకుల ముందుకు రానున్నాయి. మెగాస్టార్ చిరంజీవి వాల్తేరు వీరయ్య అలాగే నందమూరి బాలకృష్ణ వీరసింహారెడ్డి రెండు సినిమాలను కూడా మైత్రి మూవీ మేకర్స్ భారీ బడ్జెట్లో నిర్మించింది. ఇక ఈ రెండు సినిమాలను కూడా నైజాంలోనే సొంతంగా విడుదల చేసుకుంటుంది. అయితే ఈ క్రమంలో సంస్థపై ఇన్కమ్ ట్యాక్స్ డిపార్ట్మెంట్ అధికారులు ఐటీ సోదాలు నిర్వహించారు.

     IT Raids on tollywood big production house Mythri Movie Makers offices

    ఇతర రాష్ట్రాల నుంచి వచ్చిన ఐటీ అధికారులు ఉదయం 9 గంటలకు మైత్రి ఆఫీసుకు చేరుకొని GST సోదాలు మొదలుపెట్టారు. ఇక ప్రస్తుతం వినిపిస్తున్న టాక్ ప్రకారం అయితే పలువురు ఎన్నారైలు కూడా ఈ సంస్థలో పెట్టుబడులు పెట్టినట్లుగా తెలుస్తోంది. ఇక పొలిటికల్ ఇన్వెస్ట్ మెంట్ లు కూడా మైత్రి మూవీ మేకర్స్ లో ఉంటాయని కూడా టాక్ వచ్చింది. ఇక ఈ సంస్థపై ఐటి ఫోకస్ చేస్తుందని గతంలో కొన్ని కథనాలు కూడా వెలువడ్డాయి.

    ఇటీవల పూరి జగన్నాథ్ నిర్మించిన లైగర్ సినిమా వ్యాపారంలో కూడా అవకతవకలు జరిగాయని ఆరోపణలు రాగా అధికారులు వారిని కూడా విచారించిన విషయం తెలిసిందే. ముఖ్యంగా కొందరైపై పలువురు రాజకీయ నాయకుల బ్యాక్ గ్రౌండ్లో బ్లాక్ మనీతో కూడా బిజినెస్ వ్యవహారాలు కొనసాగుతున్నాయి అని ఆరోపణలు కూడా వస్తున్నాయి. ఈ తరుణంలో సినిమా ఇండస్ట్రీలోని ప్రముఖ నిర్మాతలపై కూడా ఐటి ఫోకస్ చేసిందని టాక్ అయితే వచ్చింది. ఇప్పుడు హఠాత్తుగా మైత్రి మూవీ మేకర్స్ పై సోదాలు నిర్వహించడంతో టాలీవుడ్ సినీ ప్రముఖులు ఒక్కసారిగా అలెర్ట్ అయ్యారు. మరి ఈ విషయంలో మైత్రి మూవీ మేకర్స్ ఎలాంటి వివరణ ఇస్తుందో చూడాలి.

    English summary
    IT Raids on tollywood big production house Mythri Movie Makers offices
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X