Don't Miss!
- News తిరుపతిలో నామినేషన్ల వేళ.. టీడీపీ, వైసీపీ వర్గీయుల రాళ్ళదాడి; పోలీసుల లాఠీచార్జ్; ఉద్రిక్తత!!
- Sports IPL 2024: అప్పుడు కావ్య పాపను చూసి నవ్వుకున్నారు.. ఇప్పుడు ఆమె నవ్వుతోంది!
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Lifestyle టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
క్యాసినోల్లో డబ్బు పొగొట్టుకోలేదు, వారు మోసం చేయడం వల్లే: జగపతి బాబు
ఒకప్పుడు ఫ్యామిలీ సినిమాలతో హీరోగా తనకంటూ ప్రత్యేక గుర్తింపు తెచ్చుకున్న జగపతి బాబు ఇపుడు విలన్ పాత్రలు, క్యారెక్టర్ ఆర్టిస్ట్ పాత్రలు చేస్తూ తనలో విలక్షణమైన నటనతో ప్రేక్షకులను ఎంటర్టెన్ చేస్తున్నారు. తాజాగా విడుదలైన 'రంగస్థలం' చిత్రంలో జగపతి తనదైన నటనతో ప్రేక్షకులను మంత్రముగ్దులను చేశారు.
జగపతి బాబు నటన సంగతి పక్కన పెడితే... ఆయన గురించి రకరకాల వార్తలు ప్రచారంలో ఉన్నాయి. విదేశాల్లో జూదం ఆడతారని, క్యాసినోల్లో చాలా డబ్బు పోగొట్టుకున్నారని, అందు వల్లే ఆయన ఆస్తులన్నీ కరిగిపోయాయని అంటుంటారు. తాజాగా ఓ పత్రిక ఇంటర్వ్యూలో దీనిపై జగపతి బాబు స్పందించారు.
చాలా మంది మోసం చేశారు
తాను కొన్ని కారణాల వల్ల ఆర్థికంగా దెబ్బతిన్న మాట నిజమే, అయితే అందుకు కారణం తన లైఫ్ స్టైల్ అనే మాత్రమే కారణం కాదని, తన వద్ద డబ్బు తీసుకున్న ఎంతో మంది మోసం చేశారని... అలా ఆర్థికంగా దెబ్బతిన్నానని తెలిపారు.
ఆర్థికంగా ఆదుకున్నాను
తాను మోస పోవడానికి కారణం తన వైఫల్యమే అని, అదే విధంగా సినిమాల కారణంగా దెబ్బతిన్న ఎంతో మందిని ఆదుకున్నాను... అలా తన వద్ద ఉన్న డబ్బంతా పోయింది అని జగపతి బాబు వెల్లడించారు.
క్యాసినోల వల్లకాదు
విదేశాల్లో తాను క్యాసినోలకు వెళ్లి జూదం ఆడటం వల్లే డబ్బును కోల్పోయినట్టు ప్రచారం ఉంది. అందులో ఏ మాత్రం నిజం లేదని జగపతి బాబు తెలిపారు.
అపుడు డబ్బు విలువ తెలియలేదు
ఖర్చు పెట్టడానికే సంపాదించాలి, ఆనందంగా ఉండేందుకు డబ్బు కావాలన్నది నా సిద్ధాతం. గతంలో డబ్బు విలువ తెలియకుండా చాలా ఖర్చు చేశాను. ఇపుడు డబ్బు విలువు తెలుసుకుని ఖర్చు చేస్తున్నాను అని జగపతి బాబు తెలిపారు.
అంతా నా మంచికే
ఇప్పటి వరకు జరిగినదంతా నా మించి కోసమే అని నేను భావిస్తుంటాను. అలాంటి పరిస్థితులు, ఆర్థిక ఇబ్బందులు ఎదురవ్వడం వల్లే ఇపుడు తాను ఎలాంటి పరిస్థితులనైన తట్టుకుని నిలబడే స్థితికి చేరుకున్నాను అన్నారు.