జగపతి బాబు ‘పటేల్ సర్’ సెన్సార్ రిపోర్ట్

ఈ మధ్య కాలంలో విలన్ పాత్రలు, క్యారెక్టర్ ఆర్టిస్టు పాత్రలకే పరిమితమైన జగపతి బాబు చాలా కాలం తర్వాత మళ్లీ హీరోగా కనిపించబోతున్నారు. ఆయన నటిస్తున్న పటేల్ సర్ మూవీ జులై 14న విడుదలకు సిద్ధమవుతోంది.

వారాహి స్టూడియోస్ బ్యానర్‌పై సాయి కొర్రపాటి ఈ సినిమాను నిర్మిస్తున్నారు. వాసు పరిమి ఈ చిత్రం ద్వారా దర్శకుడిగా పరిచయం అవుతున్నారు. ఫస్ట్ లుక్ పోస్టర్లు, టీజర్ కు మంచి స్పందన వచ్చింది.

తాజాగా 'పటేల్ సర్' సెన్సార్ కార్యక్రమాలను పూర్తి చేసుకుని యూ/ఎ సర్టిఫికెట్ పొందింది. జగపతి కెరీర్లో ఇదే ప్రత్యేకమైన సినిమా అవుతుందని అంటున్నారు. వారాహి వారి సినిమా కావడంతో ఈ సినిమాపై అంతా నమ్మకంగా ఉన్నారు.

బుల్లెట్‌పై స్టైలిష్‌గా వస్తూ ఏజ్ బారైన గ్యాంగ్‌స్టర్‌లా మెప్పించబోతున్నాడు. ఒంటి నిండా టాటూలు, తెల్లజుట్టు, గడ్డంతో స్టైలిష్ అండ్ రఫ్‌ లుక్‌తో జగ్గూభాయ్ ఇప్పటికే ఆకట్టుకున్నాడు. ఈ చిత్రానికి డిజె వసంత్ సంగీతం అందిస్తున్నారు.