ఎన్టీఆర్-సుకుమార్ సినిమాలో జగపతి వెరీ బ్యాడ్!

హైదరాబాద్: యంగ్ టైగర్ జూ ఎన్టీఆర్, ప్రముఖ దర్శకుడు సుకుమార్ కాంబినేషన్లో తెరకెక్కబోయే సినిమాకు సంబంధించి ఓ ఆసక్తికర విషయం వినిపిస్తోంది. ఈచిత్రంలో జగపతి బాబు ముఖ్యమైన పాత్రను పోషిస్తున్నారు. ఇందులో జగపతి రోల్ విలనిజాన్ని తలపించేలా చెడ్డగా ఉంటుందని సమాచారం. ఎన్టీఆర్ పవర్ ప్యాక్డ్ పెర్ఫార్మెన్స్ కు సరితూగేలా ధీటుగా ఉంటుందని టాక్.

ఈ చిత్రాన్ని ప్రముఖ నిర్మాత బివిఎస్ఎన్ ప్రసాద్ నిర్మిస్తున్నారు. రకుల్ ప్రీత్ సింగ్ హీరోయిన్. దేవిశ్రీ ప్రసాద్ సంగీతం అందించనున్నారు. ఈ చిత్రం మే నెలలో సెట్స్ మీదనకు వెళ్లే అవకాశం ఉంది. ప్రస్తుతం సినిమాకు సంబంధించిన ప్రీప్రొడక్షన్ పనులు వేగంగా సాగుతున్నాయి.

ఈ చిత్రం ఎన్టీఆర్ కెరీర్ లో 25 వ చిత్రం. ఫీషియల్ లాంచింగ్ ని యుకే లో చేస్తున్నట్లు సమాచారం. అక్కడ షూటింగ్ రెగ్యులర్ గా జరుపుతాం కాబట్టి అక్కడే లాంచింగ్ పెట్టుకుంటే మంచిదని ఈ నిర్ణయానికి దర్శక, నిర్మాతలు వచ్చినట్లు తెలుస్తోంది. ముఖ్యంగా సుకుమార్ గత చిత్రం 1-నేనొక్కిడినే గ్లోబల్ మార్కెట్ లోనే మనకు ఇక్కడ లోకల్ కన్నా ఎక్కవ కలెక్టు చేయటం కూడా ఇలాంటి నిర్ణయం తీసుకోవటానికి ఓ కారణం అని చెప్తున్నారు. అలాగే అక్కడ ఓ తెలుగు చిత్రం లాంచింగ్ అనేది ఇప్పటివరకూ జరగలేదు కాబట్టి హైలెట్ గా నిలుస్తుందని అంటున్నారు.

ఎన్టీఆర్ తో ఫస్ట్ టైమ్ వర్క్ చేయటం చాలా ఎక్సైటింగ్ గా ఉంది. తారక్ లో ఎంతో ఎనర్జీ ఉంది. ఆ ఎనర్జీని ఎలివేట్ చేసే స్కోప్ ఉన్న సబ్జెక్ట్ ఇది. ఇది ఓ రివేంజ్ డ్రామా. డిఫెరెంట్ స్టైల్ లో ఉంటుంది అన్నారు దర్శకుడు సుకుమార్. ఈ చిత్రంలో అన్ని కమర్షియల్ ఎలిమెంట్స్ ఉంటాయి. ఎన్టీఆర్ కు డిఫెరెంట్ మూవి అవుతుంది. సబ్జెక్టు చాలా ఎక్సట్రార్డనరీగా ఉంది అంటున్నారు నిర్మాత.