ఎన్టీఆర్‌కి వరం... నా అదృష్టం: ‘జై లవ కుశ’ డైరెక్టర్ బాబీ

నమ్మశక్యంకాని అనుభవం

ఎన్టీఆర్ మన కళ్ల ముందు డ్యాన్స్ చేస్తుంటే చూడటం నమ్మశక్యం కాని అనుభం..... అంటూ తాను ఎన్టీఆర్ డాన్స్‌కు వీరాభిమానిని అనే విషయం చెప్పకనే చెప్పారు బాబీ.

అతడికి వరం

పుట్టుకతోనే కొందరికి కొన్ని లక్షణాలు అబ్బుతాయి. అది వారసత్వమో? లేక మరేమైనా అనుకోవచ్చు. యంగ్ టైగర్ ఎన్టీఆర్‌కు నటన, డాన్స్‌కు రెండూ వారసత్వంగా అబ్బాయి. ఈ విషయాన్ని బాబీ ప్రస్తావిస్తూ.... ఆ ప్రతిభ అతడికి ఒక వరం, తారక్ డాన్స్ చేస్తుండగా నేరుగా చూడటం నా అదృష్టం అంటూ బాబీ ట్వీట్ చేశాడు.

నట విశ్వరూపమే

ఇప్పటికే విడుదలైన ‘జై' టీజర్ ద్వారా ఎన్టీఆర్ ఈ సినిమాలో నటవిశ్వరూపం చూపించబోతున్నారనే విషయం అభిమానులకు అర్థమైంది. బాబీ ట్వీట్ ద్వారా సినిమాలో కనువిందు చేసే డాన్స్ పెర్ఫార్మెన్స్ కూడా ఉంటుందనే అభిప్రాయానికి వచ్చారు ఫ్యాన్స్.

త్రిపాత్రాభినయం

‘జై లవ కుశ' చిత్రంలో ఎన్టీఆర్ త్రిపాత్రాభినయం చేస్తున్నారు. ఇందులో ‘జై' అనే పాత్ర రావణుడిలా విలనిజాన్ని పోలి ఉంటుందని ఇటీవల విడుదలైన టీజర్ ద్వారా స్పష్టమైంది. లవ, కుశ పాత్రలను పరిచయం చేస్తూ త్వరలో మరిన్ని టీజర్లు విడుదల చేసేందుకు ప్లాన్ చేస్తున్నారు నిర్మాతలు.