శ్రీదేవి కూతురుపై ఎఫైర్ రూమర్స్: ఈ ఫోటోల వెనక ఉన్న అసలు కథ ఇదే!

ఆశ్చర్య పోవాల్సిన అవసరం లేదు

ఇంటర్నెట్లో వైరల్ అయిన ఫోటోల్లో ఒక దానిలో జాహ్నవి ఒడిలో ఇషాన్ ఖట్టర్ కూర్చుని ఉండటం చూసి ఇద్దరి మధ్య ఇంత క్లోజ్ నెస్ ఏమిటో అంటూ కొందరు ఆశ్చర్యం వ్యక్తం చేస్తున్నారు. అయితే దీన్ని మరోలా అర్థం చేసుకోవద్దని, ఈ ఫోటోలో ఇతర యూనిట్ సభ్యులు కూడా ఉన్న విషయం గుర్తించాలని, షూటింగులో భాగంగానే ఇషాన్ ఆమె ఇడిలో కూర్చున్నారని చిత్ర యూనిట్ అంటోంది.

అంత సీన్ లేదమ్మా

ఇక్కడ కనిపిస్తున్న ఫోటోలో జాహ్నవి కపూర్, ఇషాన్ ఖట్టర్ కలిసి పానీ పూరి తింటున్నారు. ఈ ఫోటో చూసిన చాలా మంది ఇద్దరూ కలిసి షూటింగ్ గ్యాపులో డేటింగుకు వెళ్లారు అని చర్చించుకుంటున్నారు. అయితే అదంతా నిజం కాదు, ఇది సినిమాలోని ఓ సన్నివేశమే..... షూటింగ్ గ్యాపులో యాక్టర్స్ బయటకు వెళ్లి రోడ్డు మీద పానీపూరీ తినేంత సీన్ ఉండదని అంటున్నారు.

ప్రేమికులుగా నటిస్తున్నారు, ప్రేమికులు కాదు

జాహ్నవి కపూర్, ఇషాన్ ఖట్టర్ ‘ధడక్' సినిమాలో ప్రేమికులుగా నటిస్తున్నారు. అంతే తప్ప వీరు ప్రేమికులు కాదు, షూటింగుకు సంబంధించిన ఫోటో చూసి ఏదేదో ఊహించుకోవద్దు అని జాహ్నవి కపూర్ సన్నిహితులు చెబుతున్న మాట.

విక్టోరియా మెమొరియల్

‘ధడక్' చిత్రానికి సంబంధించిన కొన్ని సీన్లు ఇటీవల కోల్‌కతాలోని విక్టోరియా మెమోరియల్ వద్ద చిత్రీకరించారు. కథ ప్రకారం..... పెద్దలు అడ్డుచెప్పడంతో ఈ ఇద్దరు ప్రేమికులు తమ గ్రామం నుండి పారిపోయి కోల్‌కతా వెళ్లి పెళ్లి చేసుకుంటారు.

నటించారు అని చెప్పడం కంటే...

రేపు ప్రేక్షకులు సినిమా చూసిన తర్వాత.....ఈ చిత్రంలో జాహ్నవి కపూర్, ఇషాన్ ఖట్టర్ నటించారు అనకుండా, జీవించారు అని ప్రశంసలు వస్తాయని, ఇద్దరి మధ్య కెమెస్ట్రీ బాగా వర్కౌట్ అయిందని చిత్ర యూనిట్ సభ్యులు అంటున్నారు.

వెరీ ప్రొఫెషనల్

జాహ్నవికి ఇదే తొలి సినిమా అయినా సెట్లో ఎంతో ప్రొఫెషనల్‌గా ఉంటుందని, నటన, కష్టపడే తత్వాన్ని తల్లి శ్రీదేవి నుండి అందిపుచ్చుకుందని...... సెట్లో అందరితో ఎంతో సరదాగా ఉంటుందని పొగడ్తలు గుప్పిస్తోంది ‘ధడక్' మూవీ టీం.