హోమ్

న్యూస్

హైదరాబాద్: యువ కళావాహిని ఆధ్వర్యంలో సాంస్కృతికబంధు సారిపల్లి కొండలరావు సారథ్యంలో ప్రతి ఏటా జగదేకదర్శకుడు కె.వి.రెడ్డి పేరుమీద ప్రధానం చేస్తున్న చలనచిత్ర దర్శక పురస్కారం ఈ సారి ప్రముఖ తెలుగు దర్శకుడు గుణశేఖర్ అందుకోబోతున్నారు.

ఈ 30వ చలనచిత్ర దర్శక పురస్కార ప్రధానోత్సవ కార్యక్రమం బంజారాహిల్స్ లోని ప్రసాద్ పిలింల్యాబ్ లో ఈ నెల 13న(ఆదివారం) సాయంత్రం 6 గంటలకు నిర్వహిస్తున్నారు. ఈ కార్యక్రమానికి ముఖ్య అతిథిగా రఘుపతి వెంకయ్య అవార్డు గ్రహీత, దర్శకరత్న దాసరి నారాయణరావు హాజరవుతున్నారు.

విశిష్ఠ అతిథిగా ప్రసాద్ ఫిలింల్యాబ్ అధినేత అక్కినేని రమేష్ ప్రసాద్ హాజరవుతున్నారు. ఈ అవార్డు ప్రధానోత్సవ సభకు సారిపల్లి కొండలరావు అధ్యక్షత వహించనున్నారు. గౌరవ అతిథులుగా చలసాని అశ్వినీదత్, పరుచూరి వెంకటేశ్వరరావు, పరుచూరి గోపాలకృష్ణ, తనికెళ్ల భరణి, , జివి. నారాయణరావు, యం.వి.ఎస్ హరనాథరావు, యం దివాకరబాబు, తోట ప్రసాద్, ఎ.కె.అయ్యంగార్ హాజరవుతున్నారు.

అవార్డు ప్రధానోత్సవ కార్యక్రమం ప్రారంభానికి ముందుగా అంటే మధ్యాహ్నం 3.15 గంటలకు గుణశేఖర్ దర్శకత్వం వహించిన ‘రుద్రమదేవి' చిత్రాన్ని ప్రసాద్ ప్రివ్యూ థియేటర్లో ప్రదర్శించబోతున్నారు.