అతడు అరెస్టయ్యాడు...కబాలి వల్లే అంటూ జోక్స్, లాభిస్తుందా?

హైదరాబాద్: సినిమాకు రంగానికి ఉన్న ప్రధానమైన సమస్య పైరసీ. దీని వల్ల సినిమా వాళ్లు ఏటా కోట్లలో నష్టపోవాల్సి వస్తోంది. అయితే కబాలి సినిమా రిలీజ్ కు రెండు రోజుల ముందే ప్రపంచంలోనే అతిపెద్ద పైరసీ వెబ్‌సైట్‌ కేఏటీ(కిక్ఆస్ టోరెంట్)ను రన్ చేస్తున్న ఉక్రెయిన్‌ వాసి ఆర్టెమ్‌ వాలిన్‌ (30)ను పోలండ్‌లో  అరెస్టు కావడంతో కబాలి ఎఫెక్టే అంటూ సోషల్ మీడియాలో జోక్స్ పేలుతున్నాయి.

'కబాలి' సినిమా రిలీజ్ ముందే ఆన్ లైన్లో లీకైన సంగతి తెలిసిందే. కబాలి లీక్ చేయడం వల్లే ఈ సైటుకు ఆ గతి పట్టిందని అభిమానులు ఆనందం వ్యక్తం చేస్తున్నారు. ఆర్టెమ్‌ వాలిన్‌ అరెస్టు అయ్యాడు, సైట్ డౌన్ అయింది కాబట్టి కబాలి సినిమాకు ఎంతో కొంత కలిసొస్తుందని భావిస్తున్నారు.

ఆర్టెమ్‌ వాలిన్‌ పట్టుకోవడంలో యాపిల్‌ క్రియాశీల తోడ్పాటు అందించినట్లు సమాచారం. అతడి 'ఐక్లౌడ్‌' ఖాతాలోని వివరాలను అధికారులకు అప్పగించి, ఉచ్చుబిగిసేలా చేసిందట ఆపిల్ సంస్థ. ఈ వెబ్ సైట్ చేస్తున్న పైరసీ వల్ల ఇప్పటి వరకు సుమారు రూ.6,724 కోట్లు నష్టం వాటిల్లిందట.

పైరసీ చేయడం ద్వారా ఏడాదికి రూ.84.03 కోట్లు (12.5 మిలియన్‌ డాలర్లు) నుంచి రూ.149.92 కోట్లు (22.3 మిలియన్‌ డాలర్లు) వరకూ ఆర్జిస్తోందట ఈ సంస్థ. వెబ్‌సైట్‌ విలువ రూ.363 కోట్లు (54 మిలియన్‌ డాలర్లు) వరకూ ఉంటుందని అంచనా.

• కబాలి

• విహంగ వీక్షణం
• కథ
• సమీక్ష
• అద్భుతమైన చిత్రాలు
• ఫోటోలు
• వీడియోలు
• నటీనటులు-సాంకేతిక నిపుణులు
• వాల్ పేపర్లు