ఆఫర్ల కోసం దిగజారలేదు.. మగవాళ్ల బుద్ది మారాలి.. క్యాస్టింగ్ కౌచ్‌పై కాజల్

క్యాస్టింగ్ కౌచ్ గురించి కాజల్

సినిమా పరిశ్రమలో నిజంగా నేను అదృష్టవంతురాలిని. నాకు ఎలాంటి ఎలాంటి వేధింపులు ఎదురుకాలేదు. క్యాస్టింగ్ కౌచ్ గురించి వినడం తప్ప అది ఉన్నట్టు నాకు ఎక్కడ అనిపించలేదు. అసలు ఇలాంటి సమస్య హీరోయిన్లకు నిజంగా ఎదురవుతుందా? లేదా? అని కాజల్ పేర్కొన్నారు.

మగవాళ్ల బుద్ది మారాలి

సమాజంలో మగవాళ్లను బాధ్యతాయుతంగా ఉండాలని నేను కోరుతాను. ఆడపిల్లలకు సురక్షితంగా ఉండాలని పాఠాలు, నీతులు చెప్పడం కాదు ఆచరణలో పెట్టి చూపించాలి. ప్రతీ ఇంటిలో అమ్మాయి ఉండటం సహజం. వారిపట్ల మర్యాదగా వ్యవహరించాల్సిందే అని కాజల్ అన్నారు.

శ్రీరెడ్డి మళ్లీ స్పందిస్తుందా?

దక్షిణాదిలో క్యాస్టింగ్ కౌచ్‌పై శ్రీరెడ్డి సంచలనాత్మకమైన రీతిలో పోరాటం చేస్తున్నారు. శ్రీరెడ్డి చేసిన ఆరోపణలను ఖండిస్తూ అందాల తార రకుల్ ప్రీత్ సింగ్ వ్యాఖ్యలు చేయడం వివాదమైంది. తాజాగా అదే అంశంపై కాజల్ స్పందించడంపై శ్రీరెడ్డి ఎలా రియాక్ట్ అవుతారో వేచి చూడాల్సిందే.

క్వీన్ రీమేక్ చిత్రంలో

పదేళ్లకుపైగా కెరీర్‌లో కాజల్ అగర్వాల్ 50కి పైగా చిత్రాల్లో నటించారు. ఇటీవల అజిత్ కుమార్‌తో వివేకం, కల్యాణ్ రామ్‌తో ఎమ్మెల్యే చిత్రంలో నటించారు. ప్రసుత్తం హిందీలో ఘన విజయం సాధించిన క్వీన్ తమిళ రీమేక్ పారిస్ పారిస్ చిత్రంలో నటిస్తున్నారు. ఈ చిత్రానికి నటుడు రమేష్ అరవింద్ దర్శకత్వం వహిస్తున్నారు.