నాగచైతన్య ‘దడ’కు 'హాట్ ప్రాపర్టీ' కాజల్..!

By Sindhu

Published: Saturday, July 16, 2011, 15:19 [IST]

శ్రీకామాక్షి ఎంటర్‌ ప్రైజెస్‌ పతాకంపై అక్కినేని నాగచైతన్య, కాజల్‌ అగర్వాల్‌ జంటగా నటిస్తోన్న చిత్రం 'దడ'. ఈ చిత్రాన్ని ఆగస్టు 11న విడుదలకు సిద్దం అవుతోంది. 100% లవ్‌ తర్వాత నాగచైతన్య చాలా మెచ్యూర్డ్‌ గా నటించాడు. కాజల్‌ చక్కగా జోడి సరిపోయింది. లవ్‌ స్టోరీతో పాటు మాస్‌ ను ఆకట్టుకునే విధంగా దర్శకుడు తెరకెక్కిస్తున్నారు. ఈ చిత్రం టైటిల్‌ అందరికీ నచ్చుతుంది. ప్రతి వాడికి ఏదో సందర్భంలో దడ అనేది పుడుతుంది. అలాంటి సందర్భంలో హీరోహీరోయిన్లకు ఎందుకు దడ కలిగింది? అనేది సినిమా. నాగచైతన్య ప్రస్తుతం బెజవాడ రౌడీలు షూటింగ్‌లో బిజీగా ఉన్నాడు.

'వరుసగా 'ఏ మాయ చేసావే', '100% లవ్' సినిమాలు సక్సెస్ సాధించడంతో హీరో నాగచైతన్యకు మార్కెట్ మెల్లిగా పెరుగుతోంది. దాంతో అతని రెమ్యునేరేషన్ పెరగడంతో బాటు, సినిమాల బిజినెస్ కూడా బాగానే జరుగుతోంది. ఈ నేపథ్యంలో రిలీజ్ కానున్న నాగచైతన్య తదుపరి చిత్రం 'దడ' బాగా లాభపడుతోంది. పైగా, ఆ సినిమాలో టాలీవుడ్ 'హాట్ ప్రాపర్టీ' కాజల్ హీరోయిన్ కావడంతో దానికి మరింత క్రేజ్ వచ్చింది. ఈ చిత్రం ఆంధ్రప్రదేశ్ పంపిణీ హక్కుల్ని ప్రముఖ చిత్రనిర్మాణ సంస్థ ఆర్.ఆర్.మూవీ మేకర్స్ సొంతం చేసుకుంది. ఇందుకు గాను రైట్స్ రూపంలో నిర్మాతకి పన్నెండు కోట్లు చదివించుకున్నట్టు తెలుస్తోంది. ఇదిలావుంచితే, ఆర్.ఆర్.మూవీ మేకర్స్ ఇప్పటికే రాజన్న, ఊసరవెల్లి సినిమాల డిస్ట్రిబ్యుషన్ రైట్స్ ను కూడా పొందింది.

More from Filmibeat