కథువా దారుణం: కమల్ హాసన్, ప్రకాష్ రాజ్, ప్రియదర్శి, తాప్సీ, తమన్నా ట్వీట్స్

మీలాంటి చిన్నారులకు భద్రత లేదు

ఈ ఘటనపై ప్రముఖ నటుడు కమల్ హాసన్ స్పందిస్తూ... ‘మీ సొంత కూతురికి ఇలా జరిగితే ఎలా ఉంటుందో అర్థం చేసుకోండి. ఒక పురుషుడిగా, తండ్రిగా, పౌరుడిగా చిన్నారికి భద్రత కల్పించడంలో విఫలం అయ్యాం. నన్ను క్షమించు చిట్టితల్లి... ఈ దేశంలో మీలాంటి చిన్నారులకు భద్రత కల్పించలేక పోయాం. కనీసం భవిష్యత్ తరాల కోసం అయినా నేను పోరాటం చేస్తాను' అంటూ కమల్ హాసన్ ట్వీట్ చేశారు.

ఓక తండ్రిగా నా హృదయం చాలా బాధ పడుతోంది

ఓ వైపు ఉన్నావో కేసు, ఇపుడు 8 ఏళ్ల చిన్నారి.... ఒక తండ్రిగా నా హృదయం చాలా బాధ పడుతోంది. ఇంకా ఈ సమాజంలో ఎంత మంది ఇలాంటి పరిస్థితులు ఎదుర్కోవాలి. మతరమైన నేరాలను ఇంకా ఎంతకాలం సహించాలి. ఇప్పటికైనా మన అంతరాత్మను ప్రశ్నించుకోవాలి, మేల్కొని ఇలాంటి వాటికి వ్యతిరేకంగా పోరాటం చేయాల్సిన అవసరం ఉంది అని ప్రకాష్ రాజ్ ట్వీట్ చేశారు.

ఇలాంటి సమజాంలో మనం నివసిస్తున్నాం

రేపిస్టులు, హంతకులు మరియు సమాజంలోని ఒక విభాగం వారికి మద్దతు ఇస్తున్నారు. ఇలాంటి సమజాంలో మనం నివసిస్తున్నాం. అంతా దేవుడు చూసుకుంటారని కొందరు అంటారు. కానీ చిన్నారిని గుడిలో మూడు రోజులు రేప్ చేశారు. మనం కానీ, కానీ దేవుడు ఆమెను కాపాడ లేదు.... అంటూ నటుడు ప్రియదర్శి ట్విట్టర్ ద్వారా ఆవేదన వ్యక్తం చేశారు.

హీరోయిన్ తాప్సీ

ఇపుడు రేప్ లాంటి నేరాలు కూడా దేశం, మతం ఆధారంగా జరుగుతున్నాయి. ఈప్పటికైనా మనం ఇతరులను వేలెత్తి చూపడం మానేసి మన విఫలం అయిన విషయాన్ని ఒప్పుకోవాలి. కథువా ఘటన దేశం సిగ్గుపడేలా చేసింది... అంటూ హీరోయిన్ తాప్సీ వ్యాఖ్యానించారు.

ఈ దేశం ఎటు పోతోంది?

ఓ వైపు 8 ఏళ్ల చిన్నారిపై, మరో వైపు 16 ఏళ్ల బాలికపై అత్యచారం. ఈ దేశం ఎటువెళుతోంది. సంస్కరణలు అమలయ్యేలోపు ఇంకా ఎంత మంది నిర్భయలు తమ జీవితాలను త్యాగం చేయాలి. ఇప్పటికైనా ఈ పరిస్థితులు మారాల్సిన అవసరం, అందకు తగిన చర్యలు తీసుకోవాలి అని తమన్నా ట్వీట్ చేశారు.