అతను అమాయకుడా? అయితే వీపు గోకుతాడా? కంగన ఫైర్

కేసు నుంచి తప్పించేందుకు

జైరా వసీంను విమానంలో వేధించిన ప్రయాణికుడిని పోలీసులు అరెస్ట్ చేయడం అభినందించాల్సిన విషయం. కానీ ఆ వ్యక్తిని కేసును తప్పించేందుకు ప్రయత్నాలు జరుగుతున్నాయి. జైరానే ఆ వ్యక్తిని అపార్థం చేసుకొన్నది అని చెప్పడం ఆశ్చర్యం కలిగిస్తున్నది అని కంగన పేర్కొన్నది.

జైరా మీద ఆరోపణలు రావడం

జైరా మీద ఇలాంటి ఆరోపణలు చేయడం చాలా బాధగా ఉంది. బాధితురాలిని తప్పుపట్టడం ఎంత వరకు సమంజసం. లైంగిక వేధింపులకు గురిచేసిన వ్యక్తిని తప్పించే ప్రయత్నంలో భాగంగానే ఇలాంటి పరిణామాలు చోటుచేసుకొంటున్నాయి.

అతను అమాయకుడా?

జైరా వసీంను వేధించిన వ్యక్తి చాలా అమాయకుడు అని కితాబు ఇస్తున్నారు. అంత అమాయకుడైతే జైరా వీపు ఎందుకు నిమిరాడో. అలా గోకికుంటే ఆ వ్యక్తిని ఊరికనే పోలీసులు అరెస్ట్ చేస్తారా? అని కంగన ప్రశ్నించింది.

మహిళలకు భద్రత ఉంటుందా?

అలా ఆరోపణలు ఉన్న వ్యక్తిని రక్షించే ప్రయత్నం చేస్తే మహిళలకు ఎక్కడైనా భద్రత ఉంటుందా? తమపై లైంగిక దాడికి పూనుకొన్న వ్యక్తిపై ఫిర్యాదు చేయడం, వారి చర్యలను బయటపెట్టే హక్కు మహిళలకు లేదా. అదే నేనైతా ఆ వ్యక్తి కాలిని విరగకొట్టే దానిని అని ప్రశ్నించారు.

అఫైర్ పెట్టుకోమని బెదిరింపులు

తన కెరీర్ తొలినాళ్లలో ఓ స్టార్ హీరో తనతో అఫైర్ పెట్టుకోవాలి అని బెదిరించాడు అని ఇటీవల ఓ విషయాన్ని బయటపెట్టింది. ఆ స్టార్ హీరో ఎవరు అనే విషయాన్ని గోప్యంగా పెట్టడం గమనార్హం. అలాగే హృతిక్ రోషన్‌తో అఫైర్ వ్యవహారం కూడా తీవ్ర వివాదంగా మారిన సంగతి తెలిసిందే.