మరింత నాజుకుగా కరీనా.. 3 నెలల్లో 16 కేజీల బరువు హాంఫట్.. వీడియో వైరల్

మూడు నెలల్లో 16 కేజీలు

కుమారుడు తైమూర్ పుట్టిన తర్వాత బాలీవుడ్‌లో పాగా వేసేందుకు కరీనా కపూర్ తీవ్రంగా కసరత్తులు చేస్తున్నది. గత మూడు నెలల్లో దాదాపు 16 కేజీల బరువు తగ్గింది. అందుకోసం కఠినమైన వర్కవుట్లు చేసింది అని బాలీవుడ్‌కు చెందిన మ్యాగజైన్ కథనాన్ని వెలువరించింది.

12 వారాలపాటు..

తైమూర్‌కు జన్మనిచ్చిన తర్వాత 12 వారాలపాటు ఉదరానికి సంబంధించిన ఎక్సర్‌సైజులు, యోగా లాంటి తీవ్రంగా చేసింది. ముంబై బాంద్రాలోని అమృతా అరోరా జిమ్‌లో ప్రత్యేకంగా వర్కవుట్లు చేసింది. దాంతో ఆమె ఎక్కువ బరువును కోల్పోయింది అని కథనంలో పేర్కొన్నది.

ఒమంగ్ కుమార్ బయోపిక్‌లో..

ప్రముఖ బాక్సర్ మేరీకోమ్ బయోపిక్‌ను రూపొందించిన దర్శకుడు ఒమంగ్ కుమార్ తీయబోయే మరో బయోపిక్‌లో నటించేందుకు కరీనా గ్రీన్ సిగ్నల్ ఇచ్చినట్టు సమాచారం. ఈ చిత్రం కోసమే కరీనా తన బరువును తగ్గించుకొనేందుకు ప్రయత్నించినట్టు తెలుస్తున్నది.

అక్షయ్ కుమార్ సరసన..

ప్రస్తుతం వీరే ది వెడ్డింగ్ అనే చిత్రం కరీనా కపూర్ నటిస్తున్నది. ఈ చిత్రాన్ని బాలాజీ ఫిల్మ్స్ అధినేత్రి ఏక్తా కపూర్ నిర్మిస్తున్నది. ఈ చిత్రంలో సోనమ్ కపూర్, స్వర భాస్కర్ తదితరులు నటిస్తున్నారు. అంతేకాకుండా అక్షయ్ కుమార్ నటిస్తున్న పాడ్‌మన్ చిత్రంలో కనిపించనున్నది.