నగ్నపూజలతో నటుడు కేశవతీర్థ దుమారం

By Srikanya

Updated: Thursday, July 11, 2013, 12:34 [IST]

kesava tirth links with many tollywood stars

హైదరాబాద్: కేశవతీర్థ అనే సినీ నటుడు నగ్నపూజలు చేస్తూ మోసం చేస్తున్నాడంటూ ఓ తెలుగు టీవీ న్యూస్ చానెల్ ప్రసారం చేసిన వార్తాకథనం టాలీవుడ్‌లో దుమారం రేపుతోంది. అతని వద్దకు డైరెక్టర్ తేజ, నిర్మాత బూరుగుపల్లి శివరామకృష్ణ కూడా ఆశీర్వాదం కోసం వచ్చారంటూ ఆ చానెల్ తెలిపింది. కేశవతీర్థ వలలో కొంత మంది సినీప్రముఖులు కూడా చిక్కుకున్నట్లు ఆ చానెల్ తెలిపింది.

ఆ వార్తాకథనం ప్రకారం - టాలీవుడ్‌లో విలన్‌గా నటిస్తూనే హీరో పాత్రలు కూడా పోషిస్తున్న ఓ నటుడు కూడా కేశవతీర్థ గుప్పిట్లో చిక్కుకొని విలవిల్లాడిపోయాడని అంటున్నారు. సినీ పరిశ్రమలో ముక్కుసూటిగా మనిషిగా పేరున్న ఓ హీరో ఈ స్వామిని నమ్మి భూమి పూజలు చేయించాడు. ఆ తర్వాత ఇదంతా డబ్బు కోసం ఆడే నాటకాలని తెలుసుకుని ఫుల్‌కోటింగ్ ఇప్పించాడని ఈ స్టింగ్ ఆపరేషన్ ద్వారా తేలింది.

కేశవతీర్ద .అరేయ్, బెజవాడ పోలీస్ స్టేషన్ వంటి కొన్ని సినిమాల్లో హీరోగా చేసారు. ప్రస్తుతం 'సుభద్ర' అనే మరో సినిమా సెట్స్ మీద ఉంది. అలా సినిమావాళ్లతో పరిచయం పెంచుకుని...వాళ్లను బుట్టలో వేసుకున్నాడు. 'మీ మనసులో మాట చెబుతా! మీ సమస్యలకు పరిష్కారం చూపిస్తా' అంటూ పలువురు సినీ ప్రముఖులకు సున్నం పూశాడు. పోలీసు పెద్దలకూ కుచ్చుటోపీ పెట్టాడని స్టింగ్ ఆపరేషన్ లో తేల్చారు.

అలాగే ఈ స్టింగ్ ఆపరేషన్ లో తేలిన విషయాలు... కేశవతీర్థ ఎప్పటికప్పుడు భక్తులను మార్చేస్తుంటాడు. యజ్ఞాలనీ, యాగాలనీ సొమ్ము పిండేస్తాడు. తన ముందుకు ఆడవాళ్లు వస్తే 'నగ్నపూజ' పేరిట వారిని ఒంటిపై నూలుపోగు లేకుండా నిలబెట్టి లొంగదీసుకుంటాడు. అత్యాచారాలు చేస్తాడు. ఎవరైనా ఎదురు ప్రశ్నిస్తే...సూరి హత్యకేసులో నిందితుడైన భాను పేరు చెబుతాడు. మాజీ మావోయిస్టు నయీం పేరు కూడా వాడుకుంటాడు. అన్నట్లు... తెలంగాణకు చెందిన ఓ విప్లవ అక్కయ్య కేశవతీర్థ తరఫున రంగంలోకి దిగి బెదిరిస్తున్నట్లు సమాచారం. రామ్మోహన్ అనే బాధితుడు ఈ హింసకు బెదిరిపోయి ఆత్మహత్య చేసుకున్నాడని ఆ టీవీ చానెల్ బయటపెట్టింది.

More from Filmibeat