కుక్కలు అలాగే మొరుగుతాయి: ఖుష్భూ, డాన్స్ మాస్టర్ మధ్య మాటల యుద్ధం

ఇది ప్రారంభం మాత్రమే, ఇంకా జరుగుతాయి

ఒక వర్గానికి చెందిన వ్యక్తిపై మరొక వర్గం వారు ‘జై శ్రీరాం' నినాదాలు చేయాలంటూ దాడి చేసిన వీడియోపై ఖుష్భూ రియాక్ట్ అవుతూ... ‘ఇది ప్రారంభం మాత్రమే. ఇలాంటివి మళ్లీ జరిగే అవకాశాలు ఉన్నాయి' అంటూ కామెంట్ చేశారు.

ఖుష్బూకు కౌంటర్

ఖుష్భూ చేసిన ఈ కామెంటుపై గాయిత్రి రఘురామ్ స్పందిస్తూ.... ‘‘ఇలాంటి వీడియోలు ఈ మధ్య కాలంలో చాలా వస్తున్నాయి. ఇందులో నిజానిజాలు ఎవరికీ తెలియవు. ఏం జరిగిందో తెలియకుండానే ఇలాంటి కామెంట్స్ చేయడం సరైంది కాదు'' అంటూ కౌంటర్ ఇచ్చే ప్రయత్నం చేశారు.

కుక్కల అలాగే మొరుగుతాయి

మరో ట్వీట్లో ఖుష్భూ కామెంట్ చేస్తూ.... ‘కుక్కలు అలాగే మొరుగుతూ ఉంటాయి. ఎవరూ ఎవరికీ సహాయం చేసేరకం కాదు. ఆ జాతి అలాంటిది' అని వ్యాఖ్యానించారు. అయితే ఇందులో ఆమె ఎవరినీ ఉద్దేశించనప్పటికీ ఇది గాయిత్రి రఘురాంను ఉద్దేశించి ట్వీట్ అంటూ ప్రచారం మొదలైంది.

ఘాటుగా రియాక్ట్ అయిన గాయిత్రి

గాయిత్రి రఘురాం సైతం ఖుష్భూ పేరు ప్రస్తావించకుండా ఘాటుగా రిప్లై ఇచ్చారు. మీరు శాంతిని కోరుకుంటే మతపరమైన ద్వేషాన్ని వ్యాప్తి చేయడాన్ని ఆపండి. ఆ పనికి పాల్పడింది పలానా మతానికి చెందిన వారే అనడానికి రుజువులు లేవు. కుక్కలు అని సంభోధించాల్సిన అవసరం ఏమిటి? ఎవరు ఎవరిని అగౌరవ పరుస్తున్నారు. ఇలాంటి వారిని నేను గౌరవించను... అంటూ గాయిత్రి రఘురాం ట్వీట్ చేశారు.