నక్క తోక తొక్కిన కిరాక్ ఆర్పీ.. మొత్తానికి కల నెరవేర్చుకున్నాడు.. దర్శకుడిగా మారిన కమెడియన్

Recommended Video

Jabardast Comedian Hot lip lock With Heroine?

జబర్దస్త్ వేదికగా..

కిరాక్ ఆర్పీ జబర్దస్త్ వేదికపై ఓ ఆర్టిస్ట్‌గా ఎంట్రీ.. టీం లీడర్‌గా ఎదిగాడు. అక్కడి నుంచి నాగబాబుతో కలిసి అదిరింది షోలోకి ఎంట్రీ ఇచ్చాడు. ఇలా బుల్లితెరపై వెలిగిన కిరాక్ ఆర్పీ వెండితెరపైనా చిన్న చిన్న పాత్రలను పోషిస్తూ మంచి పేరు తెచ్చుకున్నాడు.

దర్శకుడు కావాలన్నదే కల..

జబర్దస్త్, అదిరింది షోల మధ్య గొడవ జరుగుతున్నప్పుడు, నాగబాబు అలా వదిలి వెళ్లడంపై ఆర్పీ స్పందిస్తూ.. ఎవరి కోసం ఏది ఆగదని, ఎవరు ఎక్కడున్నా తామంతా ఒక్కటేనని చెప్పుకొచ్చాడు. అంతేకాకుండా వెండితెరపై దర్శకుడిగా మారడమే తన లక్ష్యమని తెలిపాడు.

జేడీ చక్రవర్తి హీరోగా..

ఇక నేడు కిర్రాక్ ఆర్పీ దర్శకుడిగా మారాడు. శ్రీ ప‌ద్మ‌జ పిక్చ‌ర్స్ బ్యాన‌ర్ పై కోవూరు అరుణాచ‌లం నిర్మాత‌గా కిరాక్ ఆర్.పి ద‌ర్శ‌క‌త్వంలో తెర‌కెక్కుతున్న ప్రొడ‌క్ష‌న్ నెం 1 సినిమా పూజా కార్య‌క్ర‌మాలు నేడు జరిగాయి. ఈ వేడుకలకు ముఖ్య అతిథిగా నాగబాబు విచ్చేశాడు.

సస్పెన్స్ థ్రిల్లర్..

కిరాక్ ఆర్పీ మాట్లాడుతూ.. గ‌త కొన్నేళ్లుగా జ‌బ‌ర్ధ‌స్థ్ కామెడీ షో ద్వారా న‌న్ను ఆద‌రించిన తెలుగు ప్రేక్ష‌కుల‌కి కృత‌జ్ఞ‌త‌లు. సస్పెన్స్ థ్రిల్ల‌ర్ నేప‌థ్యంగా ఓ ఇంట్రెస్టింగ్ స్టోరీ కుద‌ర‌డంతో ద‌ర్శ‌కునిగా ఆడియెన్స్ ముందుకి రావ‌డానికి నిశ్చ‌యించుకున్నాను. ఈ సినిమాలో జే.డి. పాత్ర చాలా విల‌క్ష‌ణంగా ఉంటుంది. జే.డి.చ‌క్ర‌వ‌ర్తితో పాటు, ప్ర‌కాశ్ రాజ్, రావుర‌మేశ్, జ‌బ‌ర్ధ‌స్థ్ ఆదిత్య త‌దిత‌రులు ఈ సినిమాలో న‌టిస్తున్నారు. సాధ్య‌మైనంత త్వ‌ర‌లో హైద‌రాబాద్, నెల్లూర్ ప‌రిస‌ర ప్రాంతాల్లో షూటింగ్ ప్రారంభించ‌డానికి స‌న్నాహాలు చేస్తున్న‌ట్లుగా ఆర్పీ తెలిపాడు.