కొలవెరి..డి' కిక్కు 10 కోట్లు దాటింది

హైదరాబాద్‌: 'వై దిస్‌ కొలవెరి..' అంటూ వెర్రిగా సాగే ఈపాట కుర్రకారును ఉర్రూతలూగించింది. ధనుష్‌ ఈ పాటని పాడి యూట్యూబ్‌లో అప్ లోడ్ చేసారు, అంతే ప్రతి ఒక్కరికి కొల వెర్రి పట్టుకుంది. ఎంతో అద్బుతంగా రూపొందించిన ఈ పాటకి స్పందన బాగా కలసివచ్చింది. ఇప్పటి వరకు 10 కోట్ల మందికి పైగా ఈపాటను చూసారు. ఎన్నో పేరడీలు ఈ పాట చుట్టు అంల్లుకున్నాయి.

శ్రుతిహాసన్‌, ధనుష్‌ జంటగా నటించిన 'త్రి' చిత్రం కోసం ఈ 'కొలవెరి' పాటను ఆయన ఆలపించారు. అనిరుధ్‌ రవిచందర్‌ ఈ పాటకి సంగీతం అందించారు. ధనుష్‌ సతీమణి ఐశ్వర్య ఈ చిత్రానికి దర్శకత్వం వహించారు.

ఇక ఈ పాట ధనుష్, శృతిహాసన్ కాంబినేషన్ లో రూపొందుతున్న త్రి చిత్రంలోది. ఈ పాట నేపధ్యంలోకి వస్తే...ఓ సాదాసీదా అబ్బాయి. ప్రేమలో పడ్డాడు. కొన్ని కారణాలవల్ల ప్రేమలో ఓడిపోయాడు. బాధలో ఒక పాట పాడతాడు. ఇక 'వై దిస్‌ కొలావరి డి' అంటే అర్ధం 'చంపెయ్యాలన్నంత కసి ఎందుకే!' అని.

'యో బోయిస్‌ అయామ్‌ సింగింగ్‌ ఎ సాంగ్‌. సూప్‌ సాంగ్‌..ఫ్లాప్‌ సాంగ్‌. వై దిస్‌ కొలావరి డి...... వైట్‌ స్కిన్ను గరలు. గరలు హార్టు బ్లాకు... ఐసు ఐసు మీటు.. మై ఫ్యూచర్‌ డార్కు... వై దిస్‌ కొలావరి డి...''. అలా సాగిపోతుందీ పాట. ఆ ఫ్లాప్‌ సాంగే ఇవాళ ఖండాలను దాటుకుని కుర్రకారునేగాక, అమితాబ్‌ వంటి సెలబ్రిటీలను సైతం ఆకట్టుకుంది. యూ ట్యూబ్‌, ఫేస్‌బుక్కుల్లో కోలాహలం సృష్టిస్తోంది.