Don't Miss!
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- News బాలయ్య ఎన్నికల ప్రచార జోరు: కీలక హామీలు
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
దాసరి లేరనకండి.. పెద్దాయన విశ్రాంతి తీసుకొంటున్నారు.. క్రిష్ ఉద్వేగంగా
తెలుగు చలన చిత్ర పరిశ్రమకు ఎనలేని కీర్తి తెచ్చిపెట్టిన దర్శక ధీరుడు, దర్శకరత్న దాసరి నారాయణరావు ఇక లేరన్న విషయాన్ని సినీ కార్మికులు, ప్రముఖులు, సాంకేతిక నిపుణులు జీర్ణించు కోలేకపోతున్నారు.
తెలుగు చలన చిత్ర పరిశ్రమకు ఎనలేని కీర్తి తెచ్చిపెట్టిన దర్శక ధీరుడు, దర్శకరత్న దాసరి నారాయణరావు ఇక లేరన్న విషయాన్ని సినీ కార్మికులు, ప్రముఖులు, సాంకేతిక నిపుణులు జీర్ణించుకోలేకపోతున్నారు. ఆయన అండ ఇకలేదన్న బాధతో చిత్ర పరిశ్రమ విషాదంలో మునిగిపోయింది. ఈ సందర్భంగా ఆయనతో ఉన్నఅనుబంధాన్ని పలువురు పంచుకొంటున్నారు. తాజాగా దర్శకుడు క్రిష్ జాగర్లమూడి చేసిన ట్వీట్ పలువురిని ఉద్వేగానికి గురిచేసింది.
దాసరి గుండె ఆడకపోతే..
దాసరి గుండె ఆడకపోతే ఏం? రవి అస్తమించిన ఈ భూప్రపంచం అంతటా ఆయన సినిమా ఏదో ఒక మూలన ఆడుతూనే ఉంటుంది. తాతా మనవడు నుంచి ఎర్రబస్సు వరకు ఆయన తీసిన 151 చిత్రాలు ఉన్నాయి. థియేటర్స్లోనో, టెలివిజన్ ఛానెళ్లలోనో ప్రదర్శింపబడుతుంటాయి.
సినిమా లేనప్పుడు దాసరి
ఈ భూ ప్రపంచం మీద సినిమా అనేది లేకపోయినప్పడు దాసరిగారు లేరు అనాలి. అది ముమ్మాటికి జరుగుదు. భౌతికంగా దాసరి మన మధ్య లేకపోయినా ఆయన రూపొందించిన సినిమాలు దాసరిని చిరంజీవిగా, సజీవంగా ఉంచుతాయి అనే అభిప్రాయాన్ని క్రిష్ వ్యక్తం చేశారు.
జయజయద్వానాలే.. జోహర్లు ఉండవు..
దాసరిగారంటే 74 ఏళ్లు నిండిన వ్యక్తి కాదు. 24 శాఖలు కలిసిన శక్తి. అలాంటి మహానుభావులకు జయజయద్వానాలు ఉంటాయి కానీ జోహర్లు ఉండవు అని ఎమోషనల్గా స్పందించారు.
— Krish Jagarlamudi (@DirKrish) May 30, 2017 |
తెలుగు దర్శకుడికి గౌరవం దక్కితే..
దర్శకుడే సినిమాకి కెప్టెన్ అని ఎవరైనా, ఎక్కడైనా అంటే దాసరిగారు వింటారు. సంతోషపడుతారు. తెలుగు దర్శకుడికి ఏ గౌరవం దక్కినా అందులో దాసరి గారు ఉంటారు. పెద్దాయన విశ్రాంతి తీసుకొంటున్నారు. లేరనకండి.. వింటారు అని క్రిష్ జాగర్లమూడి ఓ ప్రకటన రూపంలో ట్వీట్ చేశాడు.