అజిత్ కొడుకు ఫస్ట్ బర్త్ డే: అదరగొట్టిన ఫ్యాన్స్ (ఫోటోస్)

By Bojja Kumar

Updated: Thursday, March 3, 2016, 16:57 [IST]

చెన్నై: తమిళ స్టార్ హీరో అజిత్ కొడుకు అద్విక్ తొలి బర్త్ డే సెలబ్రేషన్స్ బుధవారం చెన్నైలో గ్రాండ్ గా జరిగాయి. అజిత్‌ను ‘తాలా' అంటూ ముద్దుగా పిలుచుకునే ఫ్యాన్స్ అద్విక్ ను ‘కుట్టీ తాలా' అంటూ పిలుస్తున్నారు. అద్విక్ బర్త్ డే సందర్భంగా చెన్నై నగరంతో పాటు తమిళనాడులో వివిధ ప్రాంతాల్లో అదిరిపోయేలా సెలబ్రేషన్స్ నిర్వహించారు అభిమానులు.

మార్చి2, 2015న అద్విక్ జన్మించాడు. స్టార్ హీరో కొడుకు కావడంతో అద్విక్ పుట్టుకతోనే పెద్ద సెలబ్రిటీ అయిపోయాడు. అజిత్ ఫ్యాన్స్ అతనికి కుట్టీ తాలా అనే బిరుదు కూడా తగిలించేసారు. అజిత్ సినిమా విడుదలైనపుడు.... కుట్టి తాలా ఫోటోలతో కూడా బ్యానర్లు కతుండటం విశేషం.

అద్విక్ తొలి బర్త్ డే సందర్భంగా ఫ్యాన్స్ సేవా కార్యక్రమాలు నిర్వహించారు. చెన్నై వ్యాప్తంగా బ్యానర్లు కట్టి హోరెత్తించారు. ఇప్పటి నుండే అద్విక్ ఈ రేంజిలో ఫ్యాన్ ఫాలోయింగ్ సంపాదించుకున్నాడంటే ఫ్యూచర్లో పెద్ద స్టార్ అవుతాడు అనడంలో ఎలాంటి సందేహం లేదు. అజిత్-శాలిని దంపతులకు 8 ఏళ్ల కూతురు అనౌష్క ఉన్న సంగతి తెలిసిందే.

అజిత్-శాలిని ప్రేమ వివాహం చేసుకున్నారు. వీరిద్దరూ 'అమరకలమ్' అనే తమిళ చిత్రంలో నటిస్తున్న సమయంలో ప్రేమలో పడ్డారు. ఆ సమయంలో వీరిపై రకరకాల వార్తలు ప్రచారంలోకి వచ్చాయి. చివరకు మీడియా సాక్షిగా వారు తమ ప్రేమ విషయాన్ని ఒప్పుకున్నారు. ఆ తర్వాత ఏప్రిల్ 24, 2000లో వివాహం చేసుకున్నారు.

అజిత్ కుమార్ హిందూ అయితే, శాలిని క్రిస్టియన్. వీరి వివాహం హిందూ, క్రిస్టియన్ సాంప్రదాయం ప్రకారం జరిగింది. పెళ్లి తర్వాత కూడా శాలిని తను కమిటైన రెండు ప్రాజెక్టులను పూర్తి చేసారు. ఆ తర్వాత సినిమాకు గుడ్ బై చెప్పారు. వీరికి 2008 జనవరి 8వ తేదీన పాప జన్మించింది. తమ కూతురుకి అనౌష్క అనే పేరు పెట్టుకున్నారు.