For Quick Alerts
    ALLOW NOTIFICATIONS  
    For Daily Alerts

    ‘లైఫ్ ఈజ్‌ బ్యూటిఫుల్‌’సెన్సార్ పూర్తి

    By Srikanya
    |

    హైదరాబాద్ : శేఖర్ కమ్ముల తాజా చిత్రం 'లైఫ్‌ ఈజ్‌ బ్యూటిఫుల్‌'. ఎంతో క్రేజ్ తెచ్చుకున్న ఈ చిత్రం సెన్సార్ పూర్తైంది. యు సర్టిఫికేట్ ఈ చిత్రానికి లభించింది. చిత్రం చూసిన రీజనల్ సెన్సార్ బోర్డు సభ్యులు ప్రశంసలతో ముంచెత్తారని చెప్తున్నారు. సెప్టెంబర్ 14 న ఈ చిత్రం విడుదల కానుంది. ''సినిమాని ఎంత వేగంగా పూర్తిచేయాల నుకు న్నా...నేను నెమ్మది. అందుకే ఈ ఆలస్యం. నా చిన్ననాటి నవ్వు, అమాయకత్వం, ఓల్డ్‌ స్టైల్‌ అన్నీ తెరకెక్కించే ముందు సిద్ధం చేసేందుకే 6నెలలు పట్టింది. లవ్‌, రొమాన్స్‌, అల్లరి, సెంటిమెంట్‌ అన్నీ ఉన్న ఆహ్లదకర సినిమా చేశాను. పేద్ద పేరొస్తుందని అమాయకత్వంతో తీశాను'' అన్నారు శేఖర్ కమ్ముల.

    అమిగోస్‌ క్రియేషన్స్‌ పతాకంపెై చంద్రశేఖర్‌ కమ్ముల- శేఖర్‌ కమ్ముల సంయుక్తంగా నిర్మించారు. అప్పుడు హ్యాపీడేస్‌ కాలేజీలో..ఇప్పుడు హ్యాపీడేస్‌ కాలనీలో! ఇది నా చిన్నతనం లాంటి సినిమా. అమాయకం.. ఆహ్లదం..అందమైన నవ్వు... అనుభూతి....ఇలా ఎన్నిటినో తెరపరిచాను ఈసారి'' అన్నారు శేఖర్‌ కమ్ముల. ఈ చిత్రంలో ఇద్దరు ఆడపిల్లల కన్నతల్లి పాత్రలో అమల నటిస్తున్నారు. ''ఆ పాత్ర ఎంతో స్ఫూర్తిదాయకమైంది. నేను ఒక తల్లిని కావటంతో ఆ పాత్ర నాకు దగ్గరగా ఉన్నట్లు అనిపించింది. కొద్దిసేపు మాత్రమే కనిపించే మంచి పాత్రలో నటించటం బాగుంది'' అని అమల తెలిపారు.

    సుదీర్ఘ కాలం తర్వాత కెమెరా ముందుకు రావటం గురించి ఆమె మాట్లాడుతూ ''సాంకేతికపరంగా సినీరంగం ఎంతో ఎదిగింది. దాంతో అంతా వైవిధ్యంగా కనిపించింది. అప్పట్లో మేం ఒక సన్నివేశంలో ఎలా నటించింది చూసుకోవటానికి నెల రోజులు పట్టేది. కానీ నేటి సాంకేతిక పరిజ్ఞానం వెంటనే చూసుకోవటానికి అవకాశం ఇస్తున్నది. అంతేకాక నటీనటుల నుంచి ఏం కావాలో దాన్ని చక్కగా రాబట్టే శేఖర్‌ దర్శకత్వంలో నటించటం గొప్ప అనుభవం'' అని ఆమె నవ్వుతూ చెప్పారు.

    ''దర్శకుడు శేఖర్‌ కమ్ముల నన్ను సంప్రదించినప్పుడు మొదట అంగీకరించలేదు. చాలా సంవత్సరాల తర్వాత కెమెరా ముందుకు రావటంపై ఒకింత సందేహించాను. కానీ శేఖర్‌ నాకు నచ్చచెప్పటంతో నటించటానికి ఒప్పుకున్నాను'' అని చెప్పారు.

    English summary
    Director Sekhar Kammula's Life is Beautiful has been awarded a clean U certificate by the Regional Censor Board, paving the way for a grand release on September 14. Apparently the censor officials were very impressed with Sekhar's effort and lavished praises on the film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X