Click it and Unblock the Notifications
ఎందుకనో మనోళ్లు పక్కన పెట్టేసారు
అంతకుముందు ఆ తర్వాత చిత్రంతో చాలా గ్యాప్ తర్వాత రీ ఎంట్రీ ఇచ్చిన మధుబాల ..ఇప్పుడు అత్తగా మారబోతోంది. పవన్ కళ్యాణ్ సూపర్ హిట్ అత్తారింటికి దారేది కన్నడ వెర్షన్ లో అత్తగా ఆమె కనిపించి అలరించనుంది. తెలుగులో ఆ పాత్రను నదియా చేసింది. కన్నడంలో కిచ్చా సుదీప్ హీరోగా చేస్తున్నారు. అక్కడ రీసెంట్ గా మిర్చితో హిట్ కొట్టిన సుదీప్...ఈ చిత్రం కూడా తనకు ఘన విజయం ఇస్తుందని భావిస్తున్నాడు.
కన్నడంలోనూ ఆమెకు మంచి పేరే ఉంది. రవిచంద్రన్ సరసన పదిహేనేళ్ల క్రితం నటించిన 'అన్నయ్య' సినిమా అక్కడ ఆమెకు పాపులారిటీ తెచ్చింది. చాలా కాలం తర్వాత కన్నడంలో తిరిగి నటించబోతున్నందుకు ఆనందంగా ఉందని తెలిపింది మధుబాల.
పవన్కల్యాణ్, సమంత జంటగా త్రివిక్రమ్ రూపొందించిన 'అత్తారింటికి దారేది' సినిమా తెలుగులో నెంబర్వన్ గ్రాసర్గా నిలిచి, మునుపటి రికార్డులను తుడిచిపెట్టింది. ఆ సినిమా కన్నడంలో సుదీప్ హీరోగా రీమేక్ అవుతోంది. నందకిశోర్ డైరెక్ట్ చేస్తున్న ఈ సినిమా ముహూర్తం కొద్ది రోజుల క్రితమే బెంగళూరులో జరిగింది. హీరోయిన్ ఎంపిక పూర్తి కాకపోయినా తెలుగులో నదియా చేసిన పాత్రకు మధుబాలను ఎంపిక చేశారు. అంటే సుదీప్కు ఆమె అత్తగా కనిపించబోతోంది.
Continue with Google