భారీగా మహేష్, సుకుమార్ మూవీ.. కళ్లు చెదిరే బడ్జెట్‌తో మైత్రీ!

150 కోట్ల బడ్జెట్‌తో

మహేష్ బాబు, సుకుమార్ కాంబినేషన్‌లో వచ్చే చిత్రం అభిమానులు, ప్రేక్షకుల అంచనాలకు ఏ మాత్రం తగ్గకుండా మైత్రీ మూవీస్ చర్యలు తీసుకొంటున్నది. దాదాపు రూ150 కోట్ల బడ్జెట్‌తో తెరకెక్కించేందుకు ప్లాన్ రెడీ అయిందనేది తాజా సమాచారం.

మహేష్ ఇమేజ్‌కు తగినట్టుగా

అత్యంత ప్రతిభావంతులైన సాంకేతిక నిపుణులను రంగంలోకి దించుతున్నది. దాంతో బడ్జెట్ అంచనాలు పెరిగిపోయాయట. ఈ సినిమా నటీనటుల వివరాలు, టైటిల్‌ను త్వరలో ప్రకటించే అవకాశం ఉంది. మహేష్ ఇమేజ్‌కు తగిన విధంగా కథను రూపొందించనట్టు తెలుస్తున్నది.

మహర్షితో బిజీగా ప్రిన్స్

నిర్మాత దిల్ రాజు, దర్శకుడు వంశీ పైడిపల్లి కాంబినేషన్‌లో వస్తున్న మహర్షి చిత్ర షూటింగ్‌లో ప్రిన్స్ మహేష్‌బాబు బిజీగా ఉన్నారు. ఇది మహేష్ కెరీర్‌లో 25వ చిత్రం. ఈ చిత్రంలో పూజా హెగ్డే హీరోయిన్‌గా నటిస్తున్నది.

మహర్షి తర్వాత మహేష్26

మహర్షి సినిమా పూర్తి కాగానే మహేష్, సుకుమార్ సినిమా ప్రారంభమయ్యే అవకాశం ఉంది. ప్రీ ప్రొడక్షన్ పనుల్లో సుకుమార్ బిజీగా ఉన్నారు. గతంలో మహేష్, సుకుమార్ కాంబినేషన్‌లో వచ్చిన 1 నేనొక్కడినే చిత్రం అంతగా ప్రజాదరణ పొందలేకపోయిన విషయం తెలిసిందే.