ఈ నెలలోనే., అదీ హైదరాబాద్ లోనే.., మహేష్ "భరత్ అను నేను"

మంచి అంచనాలే వున్నాయి

ప్రస్తుతం ఏ.ఆర్. మురుగదాస్ డైరెక్షన్‌లో మూవీ చేస్తున్న మహేష్ బాబు.. అది పూర్తి కాగానే కొరటాల శివతో ఓ సినిమా చేయనున్నాడనే సంగతి తెలిసిందే. 'శ్రీమంతుడు' లాంటి బ్లాక్‌బస్టర్ తర్వాత రిపీట్ అవుతున్న ఈ కాంబినేషన్‌పై ఇరువురి అభిమానుల్లోనూ మంచి అంచనాలే వున్నాయి.

భరత్ అనే నేను

అభిమానుల్లో ఇప్పటినుంచే ఆసక్తి కలిగిస్తున్న ఈ చిత్రానికి 'భరత్ అనే నేను' టైటిల్ ఓకే అయిపోయినట్టే. మహేష్ బాబు తొలిసారిగా తెరపై సీఎంగా కనిపించబోతున్నాడనే వార్త వినగానే.... అసలు కథ ఏ రేంజిలో ఉండబోతోంది? అనే ఆసక్తి అందరిలోనూ నెలకొంది.

శ్రీమంతుడును మించిన హిట్

కొరటాల శివ ఏ స్థాయిలో సినిమాను ప్రజెంట్ చేయబోతున్నారని ఇండస్ట్రీలో హాట్ టాపిక్ అయింది. శ్రీమంతుడు సినిమాలో... ఊరికి ఎంతో కొంత తిరిగి ఇవ్వాలి అనే కాన్సెప్టు హైలెట్ అయినట్లే, ఇందులోనూ అలాంటి ఒక హైలెట్ అయ్యే ఎలిమెంటును కొరటాల శివ చూపించబోతున్నారని, ఈ సినిమాపై మహేష్ బాబు ఎంతో ఎగ్జైట్మెంటుతో ఉన్నారని, తన కెరీర్లో శ్రీమంతుడును మించిన హిట్ ఈసినిమా అవుతుందనే నమ్మకంతోనే ఉన్నారని అంటున్నారు.

ముఖ్యమంత్రి పాత్రలో

ఇంత వరకూ మహేష్ చేయని ముఖ్యమంత్రి పాత్రలో మహేశ్‌ నటించే ఈ సినిమా రెగ్యులర్‌ షూటింగ్‌ ఈ నెల 22న హైదరాబాద్‌లో మొదలవుతుంది. . ఆ నెలాఖరు వరకు తొలి షెడ్యూల్‌ నిర్వహించి, రెండో షెడ్యూల్‌ను జూన్‌లో మొదలుపెడతారట. ఈ షెడ్యూల్‌లోనే మహేశ్‌ షూటింగ్‌లో జాయిన్ అవుతాడు.

కియారా ఆడ్వాణీ

ఆగస్ట్‌ షెడ్యూల్‌ లండన్‌లో ఉంటుంది. ఈ చిత్రంతో నాయికగా కియారా ఆడ్వాణీ తెలుగు తెరకు పరిచయమవుతున్నారు. ఆమె హిందీ సినిమా ‘ఎం.ఎస్‌. ధోని: ది అన్‌టోల్డ్‌ స్టోరీ'లో ధోనీ భార్య సాక్షిగా నటించి అందరి మన్ననలూ పొందారు. ఇప్పుడు మహేశ్‌ సరసన నటించే అవకాశం దక్కించుకున్నారు.

దేవిశ్రీ ప్రసాద్‌

కాగా ఈ సినిమా కోసం సంగీత దర్శకుడు దేవిశ్రీ ప్రసాద్‌ ఇప్పటికే మూడు పాటలకు స్వరాలు కూర్చారు. వచ్చే ఏడాది సంక్రాంతికి చిత్రాన్ని ప్రేక్షకుల ముందుకు తీసుకురావాలనే ప్రయత్నం లో ఉన్నారట.