హోమ్

న్యూస్

మ‌ల‌యాళ సూపర్ స్టార్ మ‌మ్ముట్టిని సినిమా రంగానికి ప‌రిచ‌యం చేసిన లెజెండ‌రీ డైరెక్ట‌ర్ ఐవీ శ‌శి (69) ఇక లేరు. తీవ్ర అస్వస్థతకు గురైన ఆయన్ను ఆయన్ను ఆసుపత్రికి తరలిస్తుండగా మంగ‌ళ‌వారం ఉద‌యం చెన్నైలో క‌న్నుమూశారు.

ఐవీ శ‌శి మలయాళంతో పాటు హిందీ, తమిళంలో కూడా చిత్రాలను రూపొందించారు. ఒక మల‌యాళంలోనే ఆయ‌న 150 సినిమాలు తీశారు. ఆయన రూపొందించిన అవులుడే రావుక‌ల్‌ సినిమా అప్పట్లో ఓ సంచలనం. మ‌ల‌యాళంలో ఎ స‌ర్టిఫికేట్ అందుకున్న తొలి సినిమా ఇదే కావ‌డం గ‌మ‌నార్హం. 1982లో ఆయన తీసిన 'ఆరూదమ్’ సినిమాకు జాతీయ సమైక్యత బెస్ట్ ఫీచర్ ఫిల్మ్ విభాగంలో నర్గీస్ దత్ అవార్డ్ అందుకున్నారు.

తృష్ణ‌ అనే మలయాళ సినిమా మ‌మ్ముట్టిని చిత్రసీమకు పరిచయం చేసింది ఈ డైరెక్టరే. మరో మలయాళ సూపర్ స్టార్ మోహ‌న్‌లాల్ కు అనేక హిట్ అందించారు శశి. త‌మిళ సూప‌ర్‌స్టార్స్ ర‌జ‌నీకాంత్‌, క‌మ‌ల్‌హాస‌న్‌తో కూడా ఆయ‌న సినిమాలు చేశారు.

1948లో జన్మించిన శశి తాను రూపొందించిన అవులుడే రావుక‌ల్‌ సినిమాలో నటించిన నటి సీమను పెళ్లాడారు. తర్వాత ఇద్దరూ కలిసి అనేక చిత్రాల్లో పని చేశారు. ఈ దంపతులకు ఒక కూతురు, కుమారుడు ఉన్నారు.