క్రిష్ నెక్ట్స్ మూవీ ‘మణికర్ణిక’ కాశీలో మొదలైంది (ఫోటోస్)

ఫస్ట్ లుక్ పోస్టర్ రిలీజ్

ఝాన్సీకి రాణి లక్ష్మి భాయి అసలు పేరు మణికర్ణిక. మరాఠా బ్రాహ్మణ కుటుంబానికి చెందిన ఆమె1828 లో వారణాసిలో జన్మించారు. అందుకే సినిమాను అక్కడి నుండే ప్రారంభించాలని నిర్ణయించిన క్రిష్ ఫస్ట్ పోస్టర్ ఆవిష్కరణ కార్యక్రమం వారణాసిలో ఏర్పాటు చేసారు.

గంగానది తీరంలో...

వారణాసిలోని గంగానది తీరంలో ‘మణికర్ణిక' ఫస్ట్ లుక్ పోస్టర్ ఆవిష్కరణ కార్యక్రమం జరిగింది. దశ్వమేధ్ ఘాట్ వద్ద గంగా హారతి నిర్వహించిన అనంతరం పోస్టర్ ఆవిష్కరణ కార్యక్రమం జరిగింది.

మూడు భాషల్లో...

మణికర్ణిక చిత్రాన్ని హిందీతో పాటు తెలుగు, తమిళంలో కూడా రిలీజ్ చేయబోతున్నారు. గౌతమీపుత్ర శాతకర్ణి సినిమా తరహాలోనే ఈ చిత్రాన్ని గ్రాండ్ గా తెరకెక్కించేందుకు ప్లాన్ చేస్తున్నారు క్రిష్.

రిలీజ్ డేట్

2018 ఏప్రిల్ 27న ఈ మూవీ విడుదల కానుంది. అందుకు తగిన విధంగా సినిమా షూటింగ్ షెడ్యూల్ ప్లాన్ చేసారు.