పవర్ స్టార్ కోసం మహేష్ సోదరి రాసుకున్న కథ ఇదే.. పవనే పర్ఫెక్ట్..!

నటిగా గుర్తింపు

మంజుల పలు చిత్రాల్లో నటిగా గుర్తింపు తెచ్చుకున్నారు. పలు చిత్రాలకు నిర్మాతగా కూడా మారారు. ఆరెంజ్, కావ్యాస్ డైరీ వంటి చిత్రాల్లో మంజుల నటించిన సంగతి తెలిసిందే.

దర్శకురాలిగా తొలి ప్రయత్నం

మంజుల దర్శకురాలిగా మారి మంజుల తెరకెక్కిస్తున్న తొలి చిత్రం మనసుకు నచ్చింది. సందీప్ కిషన్, అమైరా దస్తూర్ జంటగా ఈ చిత్రంలో నటించారు. ఈ చిత్రానికి సంబందించిన ప్రచార చిత్రాలు ఆకట్టుకున్నాయి. మంజుల ముందుండి మరీ ప్రమోషన్ కార్యక్రమాలని జరిపిస్తున్నారు.

పవన్ కళ్యాణ్ ప్రస్తావన

పలు ఇంటర్వ్యూ లలో పాల్గొంటున్న మంజులకు తన సోదరుడు మహేష్ గురించి మరియు పవన్ కళ్యాణ్ గురించి ప్రశ్నలు ఎదురవుతోనే ఉన్నాయి. ఆమె అని ప్రశ్నలకు ఓపిగ్గా సమాధానం ఇస్తున్నారు.పవన్ కళ్యాణ్, మహేష్ బాబు మధ్య కొన్ని పోలికలు ఉన్నాయని వీళ్ళిద్దరూ సింప్లిసిటీకి ప్రాధానత్య ఇస్తారని మంజుల అన్నారు.

పవన్ కళ్యాణ్ కు పర్ఫెక్ట్ గా సరిపోయే కథ

పవన్ కళ్యాణ్ అంగీకారం తెలిపితే ఆయనతో సినిమా చేయడానికి సిద్ధంగా ఉన్నానని మంజుల అన్నారు. పవన్ కళ్యాణ్ కోసం కథని సైతం సిద్ధం చేసానని ఇటీవల తెలిపిన మంజుల తాజగా స్టోరీ లైన్ ని రివీల్ చేసారు. సినిమాల్లో టాప్ పొజిషన్ లో కొనసాగుతున్న వ్యక్తి ప్రజల కోసం రాజకీయాల్లోకి వస్తాడు అనే పాయింట్ ఆధారంగా కథని రాసుకునట్లు మంజుల తెలిపారు.

మహేష్ కోసం కూడా

తాను ఏ హీరోని కూడా దృష్టిలో పెట్టుకుని కథలు రాయనని, కథలు రాసుకున్నాక ఏ హీరో సరిపోతాడో చూసుకుంటానని అన్నారు. తన సోదరుడు మహేష్ బాబు కోసం మంచి కథ రాయాలనేది తన కల అని మంజుల వెల్లడించారు.