Click it and Unblock the Notifications
ప్రెసిడెంట్ పోస్ట్ రిజెక్ట్ చేసిన నాగార్జున?
బాలీవుడ్ మూవీ 'లాహోర్' మూవీ ఫేం దర్శకుడు సంజయ్ పురాన్ సింగ్ నాగార్జునను సంప్రదించారని, తన తీస్తున్న పొలిటికల్ థ్రిల్లర్ చిత్రంలో ప్రెసిడెంట్ రోల్ చేయాలని అడిగినట్లు ఓ ప్రముఖ పత్రికలో వార్తలు వచ్చాయి. 1974-1977 మధ్య కాలంలోని సమకాలిన రాజకీయాలపై ఈ చిత్రం ఉంటుందని, ఇండియా-పాకిస్థాన్ మధ్య సంబంధాల నేపథ్యంలో కథ సాగుతుందని, ఈ చిత్రంలో నాగార్జునకు అప్పటి ప్రెసిడెంట్ ఫక్రిద్దీన్ అలీ అహ్మద్ పాత్ర చేయాలని ఆఫర్ వచ్చినట్లు సదరు పత్రిక ప్రచురించింది. అయితే వివాదాలకు దూరంగా ఉండే నాగార్జున ఈ చిత్రంలో చేయడానికి విముఖత ప్రదర్శించారట.
ఇక నాగార్జున సినిమాల వివరాల్లోకి వెళితే...
నాగార్జున నటించిన డమరుకం చిత్రం ఈనెల 10న విడుదల కావాల్సి ఉండగా ఆర్థిక సమస్యల వల్ల వాయిదా పడింది. ఈ నెల 23న ఈ చిత్రం విడుదలయ్యే అవకాశం ఉంది. ప్రస్తుతం నాగార్జున దశరథ్ దర్శకత్వంలో 'లవ్ స్టోరీ' చిత్రం చేస్తున్నారు. ఫ్యామిలీ ఎంటర్టైనర్ గా రూపొందుతున్న 'లవ్ స్టోరీ'లో నాగార్జున ఓ ఎన్నారైగా కనిపించనున్నారు. అనీల్ బండారి ఈ చిత్రానికి కెమెరా మెన్ గా చేస్తున్నారు. కామాక్షి మూవీ బ్యానర్ పై చందన్ రెడ్డి ఈ చిత్రాన్ని నిర్మిస్తున్నారు. తమన్ ఈ చిత్రానికి సంగీతం అందిస్తున్నారు.
Continue with Google