ఓ శకం ముగిసినట్టుంది.. ఆ రోజులు ఇంకా గుర్తున్నాయి.. నిహారిక పెళ్లిపై నాగబాబు ఎమోషనల్

నిహారికపై అంతులేని ప్రేమ..

నాగబాబుకు తన కూతురు నిహారికపై అంతులేని ప్రేమ ఉంది. చిన్నతనం నుంచి నిహారికను ఎంత జాగ్రత్తగా అల్లారు ముద్దుగా పెంచాడో తన వీడియోల ద్వారా చెబుతుంటాడు. అయితే ఎంత జాగ్రత్తగా పెంచినా కావాల్సిన స్వేచ్చను, అభిప్రాయాలను పంచుకునే స్నేహితుడిలానే ఉంటూ వచ్చానని కూతురిపై ప్రేమను కనబర్చుతుంటాడు.

నిహారిక పెళ్లి..

నిహారిక పెళ్లి విషయంలోనూ నాగబాబు ఆ మధ్య ఎమోషనల్ అయ్యాడు. నా నీహా తల్లికి అప్పుడే పెళ్లా.. అప్పుడే పెళ్లి వయసు వచ్చిందా? అంటూ నాగబాబు ఆ మధ్య బుల్లితెరపై వచ్చిన ఓ ఈవెంట్‌లో ఎమోషనల్ అయ్యాడు. అలాంటి నాగబాబు నిహారికకు మూడు ముళ్లు పడటంతో భావోద్వేగానికి లోనయ్యాడు.

మూడు ముళ్లుపడటంతో..

తాజాగా నిహారిక మెడలో చైతన్య మూడు ముళ్లు వేసేశాడు. ఈ సందర్భంగా నాగబాబు భావోద్వేగానికి లోనయ్యాడు. కూతురిపై ఉన్న ప్రేమను, తండ్రి పడే బాధను ఎంతో అందంగా వివరించాడు. ప్రతీ తండ్రికి ఇలాంటి ఎమోషనే ఉంటుందని అందరికీ తెలిసినా నాగబాబు చెప్పిన మాటలు మాత్రం ఆకట్టుకుంటున్నాయి.

Recommended Video

Nagarjuna Akkineni To Fans On Apple Products

శకం ముగిసినట్టుంది..

ఓ శకం ముగిసినట్టుంది.. పాత జ్జాపకాలన్నీ నన్ను వెంటాడుతున్నాయి.. నిహారిక ఫస్ట్ స్కూల్‌కు వెళ్లిన రోజు గుర్తుకు వస్తోంది.. మళ్లీ సాయంత్రానికి తిరిగి రాదేమో అన్న ఫీలింగ్ కలుగుతోంది.. అయితే అలా స్కూల్‌కు వెళ్లే వయసు వచ్చిందన్న నిజాన్ని నమ్మేందుకే నాకు చాలా ఏళ్లు పట్టింది.. మళ్లీ నేను తనతో 24 గంటలు ఆడుకోలేనేమో.. అయితే ఈ సారి మాత్రం ఆ ఫీలింగ్ ఎప్పటి వరకు ఉంటుందో తెలియడం లేదు.. అదే కాలమే నిర్ణయించాలి.. ఇప్పటికే నా నీహా తల్లిని మిస్ అవుతున్నాను.. అంటూ నాగబాబు ఎమోషనల్ అయ్యాడు.