ఆ ధైర్యం ఎప్పుడూ చేయం.. ఒక్కసారైనా మెగాస్టార్‌తో షేర్ చేసుకోవాలని ఉంది.. నాని ఆసక్తికర వ్యాఖ్యలు

జోరుగా గ్యాంగ్ లీడర్ ప్రమోషన్స్

షూటింగ్ జరుగుతున్నప్పటి నుంచే నాని 'గ్యాంగ్ లీడర్' సినిమాకు ప్రమోషన్స్ మొదలు పెట్టారు యూనిట్ సభ్యులు. ఎప్పటికప్పుడు అప్‌డేట్స్ ఇస్తూ సినిమాపై అంచనాలు పెంచేశారు. ఈ సినిమా సెప్టెంబర్ 13న విడుదల కానున్న నేపథ్యంలో ఓ ప్రమోషన్ కార్యక్రమంలో పాల్గొన్న నాని, కొన్ని ఆసక్తికర విషయాలు వెల్లడించాడు.

రికార్డు స్థాయిలో గ్యాంగ్‌లీడర్ ప్రీ బిజినెస్.. నాని కెరీర్‌లోనే హయ్యెస్ట్‌గా

దానికి దీనికి పొంతన లేదు

ఇందులో భాగంగా సినిమా పేరు ఖరారైనప్పటి నుంచే చర్చల్లో నిలుస్తున్న 'గ్యాంగ్ లీడర్' టైటిల్ విషయమై ఓపెన్ అయ్యాడు. అప్పట్లో వచ్చిన సినిమా మాస్ అయితే.. ఇది ఎంటర్‌టైనర్ అని ఈ రెండింటికీ ఎక్కడా పొంతన లేదని చెప్పాడు. కథకు బాగా సూట్ అవుతుందనే ఉద్దేశం తోనే ఆ టైటిల్ వాడుకున్నామని అన్నాడు. ఈ టైటిల్ తమ సినిమాకు హెల్ప్ అవుతుందే కానీ ఎప్పుడూ నెగిటివ్ మాత్రం కాదని స్పష్టం చేశాడు.

అయినా ఆ ధైర్యం ఎప్పుడూ చేయం

అయినా గ్యాంగ్ లీడర్‌ కథను ముట్టుకునే ధైర్యం మాత్రం ఎప్పుడూ చేయం.. చేయలేదు కూడా అన్నాడు నాని. ఇక తనకు ఎవరితో మల్టీస్టారర్ సినిమా చేయాలని ఉండనే విషయాన్ని బయటపెట్టిన ఆయన.. అందరు స్టార్ హీరోలతో చేయాలనుందని చెప్పాడు. ముఖ్యంగా మెగాస్టార్‌ చిరంజీవితో తెర పంచుకోవాలని ఆసక్తిగా ఉందని తెలిపాడు.

గ్యాంగ్ లీడర్ మూవీ

మైత్రీ మూవీ మేకర్స్ పతాకంపై విక్రమ్ కె కుమార్ దర్శకత్వంలో 'గ్యాంగ్ లీడర్' సినిమా రూపొందింది. చిత్రంలో నాని హీరోగా నటించగా.. మేఘా ఆకాష్, ప్రియాంక అరుళ్ అనే ఇద్దరు భామలు నాని సరసన నటించారు. Rx 100 ఫేం కార్తికేయ నెగెటివ్ రోల్‌ పోషించాడు. అనిరుద్ రవిచంద్రన్ బాణీలు కట్టారు. సెప్టెంబ‌ర్ 13న ఈ సినిమా విడుద‌ల కానుంది.