Don't Miss!
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Sports ఆ చెత్త నిర్ణయమే ఆర్సీబీ కొంపముంచింది- ఫించ్
- News ముందస్తుగానే ఏపీ ఎన్నికల ఫలితాలు - గెలుపెవరిది..!!
- Finance Debt Free: అప్పుల ఊబి నుంచి త్వరగా బయటపడాలా..?? ఇవిగో 5 మార్గాలు..
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
‘నాన్నకు ప్రేమతో’ సంక్రాంతికి విడుదల కావడం లేదు
హైదరాబాద్: జూ ఎన్టీఆర్ హీరోగా దర్శకుడు సుకుమార్ తెరకెక్కించిన ‘నాన్నకు ప్రేమతో' మూవీ సంక్రాంతి బరి నుండి తప్పుకుంది. ఈ విషయాన్ని ఇంకా చిత్ర యూనిట్ సభ్యులు అఫీషియల్ గా ప్రకటించక పోయినప్పటీకీ ట్రేడ్ వర్గాలు మాత్రం ఈ విషయాన్ని ధృవీకరిస్తున్నారు.
ఇటీవల ఎన్టీఆర్ ట్విట్టర్ అకౌంట్లో ట్వీట్లు...హీరోను అబాసు పాలు చేయడంతో పాటు సినిమాపై కూడా కొంత ప్రభావం చూపాయి. ' చాలా రోజులుగా అభిమానులు... సినిమా రిలీజ్, ఆడియో రిలీజ్ ల గురించి అడుగుతున్నారు. ఆ విషయం నాకు తెలుసు అనే అనుకుంటున్నారా..? సినిమా విషయంలో ఏ జరుగుతుందో నాకు కూడా తెలీదు' అంటూ ఎన్టీఆర్ ట్విట్టర్లో కనిపించింది. అయితే ఇది తాను చేసిన ట్వీట్ కాదని, తన ట్విట్టర్ అకౌంట్ ఎవరో హ్యాక్ చేసారని ఎన్టీఆర్ ప్రకటించారు.
సినిమా సంక్రాంతి రేసు నుండి తప్పుకోవడానికి ఇది కారణం కాక పోయనా.... సినిమాకు సంబంధించిన కొంత వర్క్ పెండింగు ఉండటం వల్లనే వాయిదా వేసినట్లు సమాచారం. సంక్రాంతి తర్వాత అంటే జనవరి చివరి వారంలోగానీ, ఫిబ్రవరి మొదటి వారంలో గానీ సినిమా విడుదలయ్యే అవకాశం ఉందని అంటున్నారు.
ఎన్టీఆర్ సరసన రకుల్ ప్రీత్ సింగ్ హీరోయిన్గా నటిస్తోన్న ఈ భారీ చిత్రంలో జగపతిబాబు, రాజేంద్రప్రసాద్, రాజీవ్ కనకాల, అవసరాల శ్రీనివాస్, సితార, అమిత్, తాగుబోతు రమేష్, గిరి, నవీన్ తదితరులు నటిస్తున్నారు. ఈ చిత్రానికి సంగీతం: దేవిశ్రీప్రసాద్, ఫోటోగ్రఫీ: విజయ్ చక్రవర్తి, ఆర్ట్: రవీందర్, ఫైట్స్: పీటర్ హెయిన్స్, ఎడిటింగ్: నవీన్ నూలి, పాటలు: చంద్రబోస్, డాన్స్: రాజు సుందరం, శేఖర్, ఎగ్జిక్యూటివ్ ప్రొడ్యూసర్: సుధీర్, నిర్మాత: బి.వి.ఎస్.ఎన్.ప్రసాద్, కథ, స్క్రీన్ప్లే, దర్శకత్వం: సుకుమార్.