భయానకంగా ఉంది: ‘నయీం’ సినిమా పోస్టర్ ట్వీట్ చేసిన వర్మ!

ఇదే ఆ పోస్టర్

అయితే ఈ పోస్టర్ తాను డిజైన్ చేయించింది కాదనీ..... ఇంటర్నెట్లో తన కంట పడిందని, ఆసక్తికరంగా ఉండటంతో ట్వీట్ చేసానని వర్మ చెబుతున్నాడు.

వర్మ

పోస్టర్ ఎవరు డిజైన్ చేసారో తెలియదు కానీ నయీం లోని కిరాతక లక్షణాలన్నీ ఉట్టిపడేలా చాలా బాగా డిజైన్ చేసారు అంటూ వర్మ ప్రశంసించారు.

నయీం

భువనగిరిలో సాధారణ వ్యక్తిగా జీవితం మొదలు పెట్టిన నయీం తర్వత నక్సలైట్ ఉద్యమంలో చేరాడు. తర్వాత నక్సలైట్ల మీద ద్వేషం పెంచుకుని ఉద్యమం నుండి బయటకు వచ్చాడు. నక్సలైట్లను అంతం చేస్తానని ప్రకటించాడు. తర్వాత పోలీస్ ఇన్ఫార్మర్ కొంత కాలం పని చేసాడు. పోలీసులు, రాజకీయ నేతలతో పరిచయాలతో గ్యాంగ్‌స్టర్ గా మారాడు.

ఎన్ కౌంటర్

దందాలు సెటిల్మెంట్లు చేస్తూ వేల కోట్ల రూపాయాలు సంపాదించాడు. అయితే ఈ మధ్య కాలంలో నయీం ఆగడాలు ఎక్కువ కావడంతో కొంతకాలంగా అతని కదలికలపై నిఘా పెట్టిన పోలీసులు అతన్ని పట్టుకునేందుకు ప్లాన్ చేసారు. అయితే పోలీసులను చూసిన నయీం కాల్పులు జరుపడంతో పోలీసులు అతన్ని ఎన్ కౌంటర్ చేసారు.

సినిమాలో

నయీం లాంటి సంఘ విద్రోహ శక్తి ఎదగడానికి కారణం ఎవరు? పోలీసులు, రాజకీయ నాయకులు, విలేకరులను అతను ఎలా వాడుకున్నాడు అనేది వర్మ తన సినిమాలో చూపించే అవకాశం ఉంది.