నయనతార మోజులో పడి ఆరునెలల్లో అంబానీగా ఎదిగాడు

ఆర్య, నయనతార జంటగా బాస్ ఎన్ గిర భాస్కరన్ టైటిల్ తో రూపొంది విజయం సాధించిన చిత్రం ఇప్పుడు నేనే అంబాని...ఆరు నెలల్లో అనే టైటిల్ తో డబ్బింగై మనముందుకొస్తోంది. ఎస్ ‌వీఆర్ మీడియా వారు తెలుగులోకి అనువదించిన ఈ చిత్రం నెల17న విడుదల కానుంది. ఈ చిత్రం ఫన్ తో కూడిన ప్రేమ కథగా సాగుతుంది. హీరో ఆర్య...ఆరు నెలల్లో నేనే అంబాని అవుతా అంటూ ఛాలెంజ్ చేస్తాడు. అందుకు అతను అనుసరించిన మార్గాలేమిటన్నది కామిడీగా చూపెట్టడం జరుగింది. ఎం.రాజేష్ దర్శకత్వం వహించిన ఈ సినిమా గురించి నిర్మాత శ్రీమతి శోభారాణి మాట్లాడుతూ...తమిళ్‌ లో పెద్ద విజయం సాధించిన ఈ చిత్రంలో తెలుగు ప్రేక్షకులకు నచ్చే అంశాలన్నీ ఉంటాయి. వాణిజ్య అంశాలు కలగలిసిన ప్రేమకథా చిత్రమిది. ఆర్య నటన, నయనతార అందం ఈ చిత్రానికి హైలైట్. ఇటీవల విడుదలైన పాటలకు అనూహ్యమైన స్పందన వస్తోంది. రెండున్నర గంటల పాటు హాయిగా నవ్వుకునే విధంగా ఈ సినిమా ఉంటుంది. ఆర్య, నయనతార కాంబినేషన్‌ లోని సన్నివేశాలు యువతను ఆకట్టుకుంటాయి. ఈ నెల 17న చిత్రాన్ని విడుదల చేస్తున్నాం అని తెలిపారు. సంతానం, విజయలక్ష్మి, లక్ష్మి తదితరులు ఇతర పాత్రలు చేసిన ఈ చిత్రానికి మాటలు: శశాంక్ వెన్నెలకర టి, సంగీతం: యువన్ శంకర్‌ రాజా, కెమెరా: శక్తి శరవణన్.