రామానాయుడు ‘నేనేం చిన్న పిల్లనా?’(ఫోటోలు)

ఆడియో ఆవిష్కరణ

నేనేం చిన్న పిల్లనా? ఆడియో ఆవిష్కరణ కార్యక్రమంలో పాల్గొన్న నిర్మాత రామానాయుడు, హీరోలు వెంకటేష్, రాణా. కథానాయకుడు రాహుల్, దర్శకుడు సునీల్ కుమార్ రెడ్డి, సంగీత దర్శకురాలు ఎంఎం శ్రీలేఖలను కూడా ఈ దృశ్యంలో చూడొచ్చు.

సీడీలు విడుదల చేసిన వెంకటేష్

ఆడియో సీడీలను హీరో వెంకటేష్ విడుదల చేసి నిర్మాత రామానాయుడు, హీరో రాణాలకు అందజేసారు. మంచి బాణీలతో ఆరు పాటలు ఇందులో ఉన్నాయని, ఆడియో హిట్ అయి నటీనటులకు, సాంకేతిక నిపుణులకు మంచి పేరు వస్తుందని నిర్మాత తెలిపారు.

దర్శకుడు మాట్లాడుతూ...

స్వేచ్ఛ కోరుకునే ఓ యువతి సమాజంలో కొందరి వ్యక్తులను కలిసినపుడు ఎటువంటి అపోహలకు గురైందీ, ఆ తర్వాత పరిణామాలేంటి అన్న అంశంతో ఈ చిత్రాన్ని నిర్మించామని, పెద్ద సంస్థలో ఈ చిత్రాన్ని నిర్మించినందుకు సంతోషంగా ఉందని దర్శకుడు సునీల్‌కుమార్ రెడ్డి తెలిపారు.

ఇతర వివరాలు

కథకు సరైన పేరుగా అందరూ ఒప్పుకుంటారని సంగీత దర్శకురాలు శ్రీలేఖ తెలిపారు. కార్యక్రమంలో తన్వి వ్యాస్, రాహుల్, భాస్కరభట్ల, శరత్‌బాబు, సత్యానంద్, వనమాలి, అనంత్ శ్రీరామ్, ఎల్బీ శ్రీరామ్, అన్నపూర్ణ, మార్తాండ్ కె.వెంకటేష్ తదితరులు పాల్గొన్నారు. సుమన్, అలీ, ఏవిఎస్, జయప్రకాష్‌రెడ్డి, రఘుబాబు, కాశీవిశ్వనాథ్, జీవా, వేణుమాధవ్, ఉత్తేజ్, శివారెడ్డి, సంజన నటిస్తున్నారు.