75 కోట్ల బడ్జెట్ ‘జాగ్వార్‌’ .. తెలుగు ట్రైలర్ ఇదిగో (వీడియో)

హైదరాబాద్: మాజీ ప్ర‌ధాని దేవేగౌడ మ‌నువ‌డు నిఖిల్ గౌడ‌ను హీరోగా ప‌రిచ‌యం చేస్తూ ద‌ర్శ‌కుడు మ‌హాదేవ్ రూపొందించిన చిత్ర 'జాగ్వార్‌'. సుమారు 75 కోట్ల వ్య‌యంతో తెర‌కెక్కించిన ఈ చిత్రాన్ని తెలుగు, క‌న్న‌డ భాష‌ల్లో విడుద‌ల చేయ‌నున్నారు. ఈ నెల 18న హైద‌రాబాద్‌లో ఆడియో ఆవిష్క‌ర‌ణ జ‌రుపుకుంది, అక్టోబ‌ర్ 6న ప్రేక్ష‌కుల ముందుకు తీసుకురావాల‌ని భావిస్తున్నారు. ఈ నేపధ్యంలో ఈ చిత్రం తెలుగు ట్రైలర్ ని విడుదల చేసారు. ఆ ట్రైలర్ ని మీరు ఇక్కడ చూడవచ్చు.

మహదేవ్ దర్శకత్వంలో తెరకెక్కిన ఈ సినిమాలో జగపతి, రమ్యకృష్ణ లాంటి స్టార్స్ ప్రధాన పాత్రల్లో నటించారు. తమన్నా ఓ ఐటమ్ సాంగ్‌లో కనిపించనుండడం ఈ సినిమాకు అంచనాలను పెంచింది.

ఇప్ప‌టికే ద‌స‌రా బ‌రిలో చాలా సినిమాలు రెడీగా ఉన్న నేప‌థ్యంలో ఈ సినిమాను కూడా అప్పుడే ప్లాన్ చేస్తున్నారు. ఇక ఆడియో ఆవిష్క‌ర‌ణ కార్య‌క్ర‌మానికి తెలంగాణ ముఖ్య‌మంత్రి కేసీఆర్ హాజ‌ర‌య్యారు.

ఈ సందర్భంగా కేటీఆర్ మాట్లాడుతూ భాషాభేదాలతో సంబంధం లేకుండా ప్రతిభను ప్రోత్సహించడంలో తెలుగు ప్రజలు ముందుంటారన్నారు. జాగ్వార్ ట్రైలర్, పాటల్లో నిఖిల్ పడిన కష్టం కనిపిస్తుందని పేర్కొన్నారు. తాతగారు దేవెగౌడ, అమ్మానాన్నల పేరును నిఖిల్ నిలబెట్టుతాడనే నమ్మకముందని తెలిపారు.