నిర్మాతకు నిత్యమీనన్ ఝలక్.. టైటిల్ విషయంలో ఫైట్!

ఉస్తాద్ హోటల్‌ను జతగా అనే

నిత్యామీనన్, దుల్కర్ సల్మాన్ జంటగా తెరకెక్కిన ఉస్తాద్ హోటల్ చిత్రం మలయాళంలో ఎంత గొప్ప విజయం సాధించిందో అందరికీ తెలిసిందే. అలాంటి గొప్ప సినిమాను తెలుగు ప్రేక్షకులకు అందించాలనే ఉద్దేశంతో డబ్బింగ్ హక్కులు కొన్నాను. ఆ సినిమాకు తెలుగులో ‘జతగా' అనే టైటిల్‌ను ఫిక్స్ చేశాం. ఆ టైటిల్‌తోనే తొలుత టీజర్‌ను విడుదల చేశాం.

నిత్యామీనన్‌తో డిస్కషన్

జతగా టైటిల్ విషయంలో నాకు, నిత్యామీనన్‌కు మధ్య చిన్నపాటి డిస్కషన్ జరిగింది. జతగా అనే టైటిల్ కంటే ‘జనతా హోటల్' అని పెడితే బాగుంటుందని నీత్యామీనన్ సజెస్ట్ చేసింది. నాకు కూడా ఆ టైటిల్ నచ్చడంతో చివరికి దాన్నే ఫిక్స్ చేశాం.

అందరికి నచ్చేలా జనతా హోటల్

జనతా హోటల్ టైటిల్ బయటకు వెళ్లడించగానే చూసినవాళ్లు, విన్నవాళ్లు కూడా అదిరిపోయిందని మెచ్చుకున్నారు. టైటిల్ విషయంలో ఫుల్ క్రెడిట్ అంతా నిత్యామీనన్‌కే.'' అంటూ సురేష్ కొండేటి కితాబిచ్చారు.

జనతా హోటల్‌పై భారీ అంచనాలు

ఎన్టీఆర్‌తో జనతా గ్యారేజ్ నటించిన తర్వాత నిత్యామీనన్ లీడ్ రోల్ నటిస్తున్న సినిమా కావడంతో జనతా హోటల్ సినిమాపై ప్రేక్షకుల్లో భారీ అంచనాలు నెలకొన్నాయి. జనతా గ్యారేజ్‌లో ప్రకృతి పరిరక్షణకు సంబంధించిన మెసేజ్ ఉన్నట్లే ఈ సినిమాలోనూ ఓ మెసేజ్ ఉంది అని సురేష్ కొండేటి వెల్లడించారు.

జర్నీ చిత్రం కంటే గొప్పగా

జనతా హోటల్ సినిమా సెకెండాఫ్ మొత్తం ఆద్యంతం ఆకట్టుకునేలా ఉంటుంది. నా బ్యానర్ ఎస్‌కే పిక్చర్స్ నుంచి వచ్చిన ప్రేమిస్తే, షాపింగ్ మాల్, జర్నీలాంటి సినిమాల కంటే ఎక్కువగా ఈ సినిమా ప్రేక్షకులను ఆకట్టుకుంటుందనే నమ్మకం ఉంది అని ఆయన పేర్కొన్నారు.

దుల్కర్ మరింత దగ్గరగా

హీరో దుల్కర్ సల్మాన్ ‘మహానటి' సినిమాతో మంచి గుర్తింపు తెచ్చుకున్నారు. ఈ సినిమాతో తెలుగు ప్రేక్షకులకు మరింత దగ్గరవుతాడనే నమ్మకం ఉంది. ఇక మ్యూజిక్ డైరెక్టర్ గోపీ సుందరం గురించి ప్రత్యేకంగా చెప్పాల్సిన అవసరం లేదు. ఈ సినిమాకు కూడా ఆయన సమకూర్చిన బాణీలు ప్రత్యేక ఆకర్షణగా నిలిచాయి.'' అని నిర్మాత సురేష్ కొండేటి చెప్పుకొచ్చారు.