పాపం రేణూ దేశాయ్: అకిరానందన్ నటించిన సినిమా అయినా ఎవ్వరూ చూడటం లేదు

పవన్‌కళ్యాణ్‌తో విడిపోయిన తర్వాత రేణు దేశాయ్‌ సినీ రంగంలోనే కెరీర్‌ వెతుక్కుంది. మరాఠీలో ఒక సినిమా నిర్మించిన రేణు దేశాయ్‌ ఆ తర్వాత దర్శకురాలిగాను మారింది. ఆమె దర్శకత్వంలో రూపొందిన 'ఇష్క్‌వాలా లవ్‌" తెలుగులో కూడా చేయాలనుకుంది, చేసింది కూడా .. అయితే అసలు బయ్యర్లు రాకపోవడంతో అది విడుదల కాలేదు. పవన్‌ తనయుడు అకిరానందన్‌ చిన్న పాత్ర చేసాడనే ప్రచారం కూడా ఆ చిత్రానికి క్రేజ్‌ తెచ్చిపెట్టలేదు. కనీసం ఎవ్వరూ ఆ సినిమా గురించి పట్టించుకున్నట్టు కూడా కనిపించలేదు.

పాపం థియేట్రికల్‌ రిలీజ్‌ కుదరకపోవడంతో తన 'ఇష్క్‌వాలా లవ్‌' చిత్రాన్ని డైరెక్ట్ గా తన యూట్యూబ్‌ ఛానల్‌లోనే ఉచిత ప్రదర్శనకి పెట్టింది రేణు దేశాయ్‌. అయితే ఇక్కడ కూడా పెద్దగా స్పందన ఏమీ లేదు. ఈ సినిమాని అప్‌లోడ్‌ చేసి మూడు రో జులు అవుతున్నా కానీ ఇంతవరకు పదివేల వ్యూస్‌ కూడా దాటకపోవటం మరీ దారుణం. నిజానికి ఈ మధ్య ఏ వీడియో అయినా ఈ జియో అన్ లిమిటెడ్ డాటావల్ల సూపర్హిట్ అయిపోతోంది. ఇదీ అదీ అన్న తేడాలేకుండా ప్రతీ వీడియో వైరల్ అయిపోతున్న సమయం లో కూడా ఈ సినిమా కనీసం మినిమం వ్యూస్ కూడా సంపాదించుకోలేక పోవటం దారుణమే.

రేణుకి సరిగా మార్కెటింగ్‌ చేసుకోవడం రాలేదో ఏమో కానీ ఇష్క్‌వాలా లవ్‌ యూట్యూబ్‌లోను వెలవెలబోతోంది. పోనీ చూసిన వాల్లేమైనా మెచ్చుకున్నారా అంటే అదీ అలేదు. అసలు ఆ సినిమా రేణూ తీయకపోయినా బావుండేది అన్నదే అందరి అభిప్రాయమూ. పాపం ఈ విధంగా రేణూ కష్టం యూట్యూబ్ లో పోసిన పన్నీరయ్యింది.

Recommended Video