ఎన్టీఆర్ ‘బాద్‍ షా' ఆడియో రివ్యూ

పాట: సైరో సైరో...

సింగర్స్: రాహుల్ నంబియార్, రంజిత్, నవీన్
సాహిత్యం: కృష్ణ చైతన్య

ఈ పాట కొద్ది రోజుల క్రితం నెటలో విడుదలైంది. క్యాచీ ట్యూన్ తో సాగే ఈ సాంగ్ ఫుల్ జోష్ తో సోలోగా సాగుతుంది. ఈ పాట విన్నవారు.. ఎన్టీఆర్ నుంచి ఓ రేంజి స్టెప్స్ ఊహిస్తారు.

పాట: డైమండ్ గర్ల్..
సింగర్స్: శింబు, సుచిత్ర
సాహిత్యం: రామ జోగయ్య శాస్త్రి

ఈ పాట వింటూంటే తమన్ స్వరపరిచిన షాడో లో పాట గుర్తుకు వస్తోంది. అయినప్పటికీ ఈ పాట చాలా బాగా వచ్చింది. శింబు తమిళుడైనా చాలా బాగా పాడాడు. కాకపోతే ఈ మాత్రం పాడటానికి మన తెలుగులో ఎవరూ సింగర్స్ లేరా అనే డౌట్ సైతం వస్తుంది.

పాట: బాద్‍ షా...
సింగర్స్: హేమచంద్ర, షేపాలీ అల్వారెస్, గీతా మాధురి
సాహిత్యం: విశ్వ

ఇది సినిమాలో టైటిల్ సాంగ్... గీతా మాధురి సింగింగ్ స్టైల్ రొటీన్ గానే సాగుతుంది. కానీ ఫ్యాన్స్ ఫుల్ గా ఎంజాయ్ చేసేలా ఈ పాటను రూపొందించారు.

పాట: బంతిపూల జానకి..
సింగర్స్: దలేర్ మెహందీ, రవీనా రెడ్డి
సాహిత్యం: రామ జోగయ్య శాస్త్రి

ఈ మాస్ సాంగ్ ప్రత్యేకంగా ఎన్టీఆర్ ఫెరఫార్మ్ చేయటానికి ఉద్దేశించినట్లుగా ఉంది. గతంలో ఎన్టీఆర్ కు పాడిన దలేర్ మెహందీ మరో సారి తన స్వరంతో పాటకు కిక్ ఇచ్చి నిలబెట్టారు.

పాట: వెల్‌కం కనకం....
సింగర్స్: సౌమ్యారావు, జస్పీట్ జాస్
సాహిత్యం: భాస్కర భట్ల

ఇది సినిమాలో వచ్చే ఐటం సాంగ్. పూర్తి మాస్ మసాలా సాహిత్యం భాస్కర భట్ల అందించారు. సౌమ్యారావు కూడా సాహిత్యానికి తగిన ఎఫెక్ట్ తో పాడారు. అయితే దూకుడులో ఐటం సాంగ్ పువాయ్..పువాయ్ గుర్తుకు వస్తుంది.

పాట: రంగోలి రంగోలి.......
సింగర్స్: బాబా సెహగల్, ఎం.ఎం మనసి
సాహిత్యం: రామ జోగయ్య శాస్త్రి

ఈ ఆల్బంలో ఎన్టీఆర్ కు బాగా నచ్చిన పాట ఇది అని చెప్తున్నారు. ఈ పాట కోసం ఎన్టీఆర్ దాదాపు 50 పాటలు దాకా విని సెలక్ట్ చేసాడని చెప్తున్నారు. అయితే సింగర్స్ మారతారు కానీ తమన్ సంగీతం ఒకలా ఉంటుందన్నట్లు ఈ పాట మాస్ బీట్ తో సాగుతుంది. ఈ పాటకు ఎన్టీఆర్ అదిరిపోయే స్టెప్స్ వేసాడని సమాచారం.