Don't Miss!
- Lifestyle భార్యా భర్త గొడవపడ్డినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- News వల్లభనేని వంశీకి షాకిచ్చేలా యార్లగడ్డతో చంద్రబాబు వ్యూహం!!
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
ఎన్టీఆర్ మహానాయకుడు రిలీజ్ డేట్ ఫిక్స్.. ఇదే కీలకం, ఈసారి తేడా జరగదు కదా!
స్వర్గీయ నందమూరి తారక రామారావు జీవిత చరిత్ర ఆధారంగా తెరకెక్కిన చిత్రం ఎన్టీఆర్ ఎన్టీఆర్ బయోపిక్. దర్శకుడు క్రిష్ ఈ చిత్రాన్ని రెండు భాగాలుగా తెరకెక్కించాడు. మొదటి భాగం ఎన్టీఆర్ కథానాయకుడు సంక్రాంతికి విడుదలయింది. రెండవ భాగం ఎన్టీఆర్ మహానాయకుడు విడుదలకు సిద్ధం అవుతోంది. మొదటి భాగంలో ఎన్టీఆర్ సినీరంగ విశేషాలని చూపించిన దర్శకుడు రెండవ భాగంలో రాజకీయ ప్రస్థానాన్ని చూపించబోతున్నాడు. ఎన్టీఆర్ మహానాయకుడు చిత్ర విడుదల గురించి ఆసక్తికర వార్తలు వస్తున్నాయి.
రిలీజ్ డేట్ ఫిక్స్
ఎన్టీఆర్ మహానాయకుడు చిత్రానికి ముందుగా రిపబ్లిక్ డే సందర్భంగా జనవరి 25న రిలీజ్ చేద్దామని ప్లాన్ చేశారు. ఆ తరువాత ఫిబ్రవరి 7కు వాయిదా పడింది. ఎన్టీఆర్ మహానాయకుడు చిత్రానికి సంబందించిన ఇంకా కొంచెం వర్క్ మిగిలిపోయి ఉండడంతో ఆ తేదీన కూడా చిత్రం విడుదల కాలేదు. ప్రస్తుతం మహానాయకుడు చిత్రానికి సంబందించిన అన్ని కార్యక్రమాలు పూర్తి కావడంతో ఫిబ్రవరి 22న విడుదల చేయనున్నారు.
నిరాశపరిచిన కథానాయకుడు
దాదాపు 70 కోట్ల ప్రీరిలీజ్ బిజినెస్ చేసిన ఎన్టీఆర్ కథానాయకుడు చిత్రం తీవ్రంగా నిరాశపరిచింది. కథానాయకుడు చిత్రానికి ఆశించిన స్థాయిలో వసూళ్లు దక్కలేదు, ఎన్టీఆర్ పాత్రలో బాలయ్య నటన బావుందని ప్రశంసలు దక్కినా కథానాయకుడు చిత్రం బాక్సాఫీస్ వద్ద నిలవలేకపోయింది. దీనికి అనేక కారణాలు వినిపిస్తున్నాయి. ఇప్పుడు మహానాయకుడు చిత్రం కూడా విడుదలకు సిద్ధం అవుతుండడంతో ఆసక్తికరమైన చర్చ మొదలైంది.
అత్యంత కీలకం
ఎన్టీఆర్ కథానాయకుడు చిత్రాన్ని పక్కన పెడితే.. ఎన్టీఆర్ మహానాయకుడులోనే అసలు విషయం దాగుందని చెప్పొచ్చు. ఎన్టీఆర్ సినీరంగంలో తిరుగులేని స్టార్ గా ఎదిగారు. కానీ ఆయన రాజకీయాల్లోనే అనేక ఒడిదుడుకులు ఎదుర్కొన్నారు. ఎన్టీఆర్ మహానాయకుడు చిత్రంతో అనేక రాజకీయ అంశాలు కూడా ముడిపడి ఉన్నాయి.దీనితో ఈ చిత్రం విజయం సాధించడం బాలయ్యకు అంత్యంత కీలకం. పైగా కథానాయకుడు చిత్రంతో దారుణంగా నష్టపోయిన బయ్యర్లకు కాస్త ఊరట కలగాలన్నా మహానాయకుడు తప్పనిసరిగా విజయం సాధించాలి.
తేడా జరగదు కదా
ఇప్పటికే మహానాయకుడు చిత్రానికి బాలయ్య బయ్యర్లకు ఫ్రీగా ఇస్తున్నాడనే ప్రచారం జరుగుతోంది. రాజకీయాల్లో ఓ వెలుగు వెలిగిన ఎన్టీఆర్, కేంద్ర రాజకీయాలని కూడా ప్రభావితం చేశారు. దర్శకుడు క్రిష్ మహానాయకుడు చిత్రాన్ని రసవత్తరంగా మలచిఉంటే ప్రేక్షకులని ఆకట్టుకోవడం ఖాయం. మొత్తంగా కథానాయకుడు పరాజయం తర్వాత మహానాయకుడు విడుదల కానుండడంతో చిత్ర యూనిట్ పై భారీ స్థాయిలో ఒత్తిడి నెలకొని ఉంటుంది.