సుకుమార్, ఎన్టీఆర్ కాంబినేషన్ ఖరారుకి రీజన్ ఇదా? (ఫోటోలు)

ఎప్పటి ప్లానో ఇది..

దర్శకుడు సుకుమార్ మొదటి నుంచి తనదైన శైలిలో విభిన్నమైన చిత్రాలు రూపొందిస్తూ వస్తున్నారు. ఆర్య హిట్ తో సుకుమార్ యూత్ చిత్రాలకు కేరాఫ్ ఎడ్రస్ గా మారారు. ఎప్పటినుంచో సుకుమార్ దర్శకత్వంలో ఎన్టీఆర్ చేయాలనుకుంటున్నారు. అది ఇన్నాళ్లకు తీరబోతోందంటున్నారు. ప్రస్తుతం సుకుమార్ పూర్తిగా... '1.. నేనొక్కడినే' హడావిడిలో మునిగిపోయి ఉన్నారు. యాక్షన్ థ్రిల్లర్ గా ఈ చిత్రం రూపొందుతోందని తెలుస్తోంది. ఎక్కువ శాతం విదేశాల్లో రూపొందుతున్న ఈ చిత్రంలో మహేష్ రాక్ స్టార్ గా కనిపిస్తాడని చెప్తున్నారు. ఈ చిత్రం పూర్తయ్యాక ...సుకుమార్... ఎన్టీఆర్ కు చెందిన సినిమా ప్రారంభిస్తారు.

ఊసరవెల్లి కి రిలీఫ్...

భారీ చిత్రాలకు కేరాఫ్ ఎడ్రస్ నిర్మాత బి.వి.ఎస్.ఎన్. ప్రసాద్. ఆయన ఇంతకుముందు ఎన్టీఆర్ తో ఊసరవెల్లి చిత్రం రూపొందించారు. అయితే ఆ చిత్రం విజయం సాధించలేదు. అందుకే ఎన్టీఆర్ ఈ ప్రాజెక్టుకు వెంటనే గ్రీన్ సిగ్నల్ ఇచ్చాడంటున్నారు. పవన్ తో 'అత్తారింటికి దారేది' చిత్రాన్ని నిర్మాత బి.వి.ఎస్.ఎన్. ప్రసాద్ ప్రస్తుతం నిర్మించి విడుదలకై ఎదురుచూస్తున్నారు.

మాస్..క్లాస్ కాంబినేషన్

మాస్ హీరో ఎన్టీఆర్ తో క్లాస్ గా చిత్రాలు చేసే సుకుమార్ చిత్రం అంటే అందరికీ ఆసక్తే. ఎలా ఉండబోతోంది. సుకుమార్ దార్లోకి వెళ్లి ఎన్టీఆర్ నటిస్తారా...లేక..ఎన్టీఆర్ ఇమేజ్ కు తగ్గట్లు గా సుకుమార్ చిత్రాన్ని రూపొందిస్తారా...ఏదైనా యూత్ కి ...ఎన్టీఆర్ ని మరింత దగ్గర చేసే పనిని మాత్రం సుకుమార్ చేస్తాడంటున్నారు.

దృష్టి మొత్తం ఆ సినిమా మీదే...

ఎన్టీఆర్ దృష్టి మొత్తం ప్రస్తుతం చేస్తున్న 'రామయ్యా వస్తావయ్యా' చిత్రం పైనే ఉంది. హరీష్ శంకర్ దర్శకత్వంలో చేస్తున్న ఈ చిత్రం ఖచ్చితంగా మంచి విజయం సాధిస్తుందని చెప్తున్నారు. సింహాద్రి తరహాలో మాస్ ఎలిమెంట్స్ మిక్స్ చేసి, హరీష్ ఈ చిత్రాన్ని రూపొందిస్తున్నారు. ముఖ్యంగా ఇంటర్వెల్ వద్ద వచ్చే యాక్షన్ సీక్వెన్స్ సినిమాకు హైలెట్ అని తెలుస్తోంది.

రభసతో...

మరో ప్రక్క శ్రీ లక్ష్మీనరసింహ ప్రొడక్షన్స్‌ పతాకంపై ఎన్టీఆర్‌ హీరోగా ఓ చిత్రం తెరకెక్కుతోంది. సమంత హీరోయిన్. సంతోష్‌ శ్రీనివాస్‌ దర్శకత్వం వహిస్తున్నారు. బెల్లంకొండ గణేష్‌బాబు నిర్మాత. ఈ సినిమా చిత్రీకరణ శుక్రవారం హైదరాబాద్‌లో ప్రారంభమైంది. దర్శకుడు మాట్లాడుతూ ''ఎన్టీఆర్‌ని ఓ కొత్తకోణంలో చూపించే చిత్రమిది. ఆయన శైలికి తగ్గట్టుగా యాక్షన్‌, వినోదాంశాలు పుష్కలంగా ఉంటాయి. కుటుంబ అనుబంధాలకూ ప్రాధాన్యముంది. ఇందులో ఎన్టీఆర్‌ రెండు కోణాల్లో సాగే పాత్రలో కనిపిస్తారు. ఓ లక్ష్యం కోసం పాటుపడే యువకుడిగా ఆయన పాత్ర ప్రేక్షకులకు గుర్తుండిపోయేలా ఉంటుంద''న్నారు. బ్రహ్మానందం, జయసుధ, రఘుబాబు, నాజర్‌, సాయాజీషిండే, జయప్రకాష్‌రెడ్డి, అజయ్‌ తదితరులు నటిస్తున్నారు. సంగీతం: అనూప్‌రూబెన్స్‌, ఛాయాగ్రహణం: శ్యామ్‌ కె.నాయుడు, కూర్పు: కోటగిరి వెంకటేశ్వరరావు, ఫైట్లు: రామ్‌లక్ష్మణ్‌, కళ: ఎ.ఎస్‌.ప్రకాష్‌, సమర్పణ: బెల్లంకొండ సురేష్‌.