బాలీవుడ్ భామతో హార్దిక్‌ పాండ్య సీక్రెట్ ఎంగేజ్‌మెంట్.. మొత్తానికి ఇలా బయటపడింది

Recommended Video

Hardik Pandya Introduced Natasha Stankovic To His Parents

సముద్ర జలాల్లో షికారు.. అఫీషియల్ చేశాడు

సముద్ర జలాల్లో ఓ హ్యాచ్‌లో ప్రయాణిస్తూ పాండ్య తన ప్రియసఖికి ఉంగరం తొడిగాడు హార్దిక్ పాండ్య తన ప్రేయసి నటాషాకు ఉంగరం తొడిగాడు. ఆ తర్వాత ఇద్దరూ కలిసి ‘హెచ్‌పీ లవ్స్‌ నాట్స్' అని రాసి పెట్టిన కేక్ కట్ చేశారు. ఈ మేరకు తామిద్దరం నిశ్చితార్ధం చేసుకున్నట్లుగా తెలుపుతూ సోషల్ మీడియాలో సందేశమిచ్చాడు హార్దిక్.

హార్దిక్, నటాషా ఇద్దరూ..

‘మై తేరా, తు మేరీ జాన్‌, సారా హిందుస్థాన్‌. 01.01.2020 #ఎంగేజ్‌డ్‌' అని పేర్కొంటూ హార్దిక్ పాండ్య తన సోషల్ మీడియా సందేశం ఇచ్చాడు. మరోవైపు నటాషా సైతం ఉంగరం ధరించి తన ప్రేమికుడిని ముద్దాడుతున్న వీడియోను పోస్ట్‌ చేసింది. దీంతో ఈ ఇద్దరికీ శుభాకాంక్షలు తెలుపుతున్నారు నెటిజన్లు. ప్రస్తుతం ఈ వీడియో నెట్టింట వైరల్ అవుతోంది.

క్రికెటర్ల స్పందన..

హార్దిక్‌ పాండ్య నిశ్చితార్థంపై పలువురు క్రికెటర్లు స్పందించారు. విరాట్‌ కోహ్లీ, కుల్‌దీప్‌ యాదవ్‌, ధోనీ సతీమణి సాక్షి, అజయ్‌ జడేజా, కృనాల్‌ సతీమణి పంఖూరి శర్మ, సోఫీ చౌదరి, సోనాల్‌ చౌహాన్‌, శ్రేయస్‌ అయ్యర్‌, ముంబయి ఇండియన్స్‌, మన్‌దీప్‌ సింగ్‌ తదితరులు శుభాకాంక్షలు తెలిపారు.

ఎవరీ నటాషా?

బాలీవుడ్ భామ నటాషా చాలాకాలంగా ముంబయిలోనే ఉంటోంది. 'సత్యాగ్రహ' చిత్రంతో తెరంగేట్రం చేసిన ఆమె.. బిగ్‌బాస్‌ (హిందీ 8)లో పాల్గొని క్రేజ్‌ పెంచుకుంది. బేసికల్ గానే అద్భుతమైన డ్యాన్సర్‌ అయిన నటాష ప్రస్తుతం వెబ్‌సిరీసులు, టీవీ షోలు, సినిమాల్లో నటిస్తూ బిజీ బిజీగా ఉంది.

టీమిండియాకి దూరంగా.. సర్జరీ చేయించుకుని

వెన్నునొప్పి కారణంగా గత సెప్టెంబరు నెల నుంచి టీమిండియాకి దూరంగా ఉంటున్న హార్దిక్ పాండ్య.. దానికి సర్జరీ చేయించుకుని ఫిట్‌నెస్ సాధించాడు. దీంతో ఈ జనవరి ఆఖర్లో న్యూజిలాండ్‌ పర్యటనకి ఈ యువ ఆటగాడిని ఎంపిక చేయాలని భారత సెలక్టర్లు భావిస్తున్నారు. దేశవాళీ క్రికెట్‌లో కనీసం ఒక్క మ్యాచ్ ఆడి ఫిట్‌నెస్ నిరూపించుకోవాలని ఆయనకు సూచన ఇచ్చారు.