చేతులు కాలాక.. ఆకులు పట్టుకున్నట్లు: ఆ రెండు.. పార్వతి నాయర్ అలా ఎలా వదులుకుంది?

'అర్జున్ రెడ్డి' కోసం అడిగితే..:

అర్జున్ రెడ్డి సినిమాలో హీరోయిన్ పాత్ర కోసం దర్శకుడు సందీప్ వంగా తొలుత హీరోయిన్ పార్వతి నాయర్ నే సంప్రదించారట. అయితే సినిమాలో లిప్ టు లిప్ కిస్సింగ్ సీన్స్ ఎక్కువగా ఉండటం.. అదీగాక క్యారెక్టర్ బోల్డుగా ఉండటంతో పార్వతి 'నో' చెప్పేసిందట.

ఆ అనుమానం కూడా:

బోల్డ్ నెస్‌కు తోడు కథను సరిగా జడ్జ్ చేయలేకపోయానని పార్వతి పరోక్షంగా చెప్పింది. దర్శకుడు కథ చెప్పినప్పుడు అంత ఎగ్జయిటింగ్ ఏమి అనిపించలేదట. పైగా కొత్త దర్శకుడు కదా.. ఎలా తీస్తాడో అన్న అనుమానంతోనూ ప్రాజెక్ట్ ఒప్పుకోలేదట.

'అరువి' కూడా మిస్:

అర్జున్ రెడ్డి ఒక్కటే కాదు.. తమిళంలో వచ్చిన 'అరువి' అవకాశాన్ని కూడా ఇలాగే వదులుకుందట పార్వతి. ఈ సినిమా తమిళనాట సంచలన విజయాన్ని నమోదు చేసింది. ఎయిడ్స్ పేషెంట్ పాత్రలో హీరోయిన్ అదితి బాలన్ పాత్రకు విమర్శకుల ప్రశంసలతో పాటు అవార్డులు కూడా వరించాయి.

Recommended Video

'Bloody Bold Movie' Ram charan Says About 'Arjun Reddy'

చేతులు కాలాక..:

అర్జున్ రెడ్డి.. అరువి.. ఈ రెండు కథల్ని రిజెక్ట్ చేసిన పార్వతి నాయర్.. ఆ తర్వాత వాటిని తెరపై చూశాక మాత్రం తెగ పీలైందట. కథల్ని తక్కువ అంచనా వేసి తప్పులో కాలేశానని అనుకుందట.

ఈ రెండు సినిమాలు చేసి ఉంటే గనుక పార్వతి నాయర్ కెరీర్ మరోలా ఉండేదేమో!. కానీ బ్యాడ్ లక్.. చేతులు కాలాక ఆకులు పట్టుకుంటే ఏం లాభం. ప్రస్తుతం తెలుగులో అడవి శేష్‌ సినిమాలో నటించేందుకు పార్వతి నాయర్ కమిట్ అయింది.