రాంచరణ్‌ కోసం తప్పుకొన్న పవన్ కల్యాణ్.. అసలేం జరిగిందటే..

రంజుగా దసరా పోటీ

ఈ ఏడాది దసరా పోటీ మరీ రంజుగా కనిపిస్తున్నది. ఇప్పటికే జూనియర్ ఎన్టీఆర్, నందమూరి బాలకృష్ణ పండగ బరిలో దిగేందుకు సిద్ధపడుతున్నారు. పూరీ జగన్నాథ్ దర్శకత్వంలో బాలకృష్ణ నటించిన పైసా వసూల్ చిత్రం సెప్టెంబర్ 29న రిలీజ్ కానున్నది. ఈ చిత్రానికంటే ఒకవారం ముందు జూనియర్ ఎన్టీఆర్ జై లవకుశతో వస్తున్నాడు. ఈ క్రమంలో పవన్ సినిమా కూడా దసరా బరిలో ఉండే అవకాశం ఉందనే మాట వినిపించింది.

బరిలో రాంచరణ్ రంగస్థలం

ఇదిలా ఉండగా, మెగా పవర్ స్టార్ రాంచరణ్‌ కూడా దసరా పోటీకి సిద్దమయ్యాడు. సుకుమార్ దర్శకత్వంలో రూపొందుతున్న 1985 రంగస్థలం సినిమాను దసరాకు ప్రేక్షకులకు అందించాలని సిద్దం అవుతున్నట్టు తెలుస్తున్నది. ఈ నేపథ్యంలో పవన్ కల్యాణ్ తన సినిమాను వాయిదా వేసుకోవాలని నిర్ణయం తీసుకొన్నట్టు సమాచారం.

రిలీజ్ వాయిదా వేసుకొన్న పవన్

పవన్ కల్యాణ్ నటిస్తున్న ఈ చిత్రం భారీ స్థాయిలో తెరకెక్కుతున్నది. ఈ సినిమా పేరు ఇంకా పెట్టనప్పటికీ.. గోపాలకృష్ణుడు, సాఫ్ట్‌వేర్ ఇంజినీర్ అనే టైటిల్స్ ప్రచారంలో ఉన్నాయి. ఈ సినిమా రిలీజ్ డేట్‌ను త్వరలో అధికారికంగా ప్రకటించే అవకాశం ఉంది.

వాయిదా పడుతున్న స్పైడర్

అలాగే దసరాకు వస్తుందనుకొన్న మహేశ్ స్పైడర్ కూడా వెనక్కి తగ్గింది. ఈ చిత్ర రిలీజ్ డేట్ వాయిదాల మీద వాయిదా పడుతున్నది. ఈ చిత్రానికి సంబంధించిన స్పెషల్ ఎఫెక్ట్ పనులు చాలా వేగంగా జరుగుతున్నాయి. ఈ సినిమా సంక్రాంతికి వచ్చే అవకాశం ఉందనే మాట వినిపిస్తున్నది.