Don't Miss!
- News కాంగ్రెస్ ఖమ్మం సీటు పంచాయితీలో అనూహ్య మలుపు..!!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Sports ఆ రూల్ వల్లే గెలిచాం- KL రాహుల్
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
పవన్ కల్యాణ్ యూరప్కు షిఫ్ట్.. ఇక ధూమ్ ధామ్ అక్కడేనంట..
పవన్, త్రివిక్రమ్ కాంబినేషన్లో వచ్చిన జల్సా, అత్తారింటికి దారేది చిత్రాల కంటే భారీ విజయాన్ని చేజిక్కించుకొనేందుకు చిత్ర యూనిట్ కసరత్తు చేస్తున్నది.
పవర్ స్టార్ పవన్ కల్యాణ్, సెన్సేషనల్ డైరెక్టర్ త్రివిక్రమ్ శ్రీనివాస్ కాంబినేషన్లో రూపొందుతున్న చిత్రం శరవేగంగా షూటింగ్ జరుపుకొంటున్నది. హైదరాబాద్ పలు షెడ్యూళ్లు పూర్తి చేసుకొని ప్రస్తుతం విదేశాలకు ప్రయాణమవుతున్నది ఈ చిత్ర యూనిట్. పవన్, త్రివిక్రమ్ కాంబినేషన్లో వచ్చిన జల్సా, అత్తారింటికి దారేది చిత్రాల కంటే భారీ విజయాన్ని చేజిక్కించుకొనేందుకు చిత్ర యూనిట్ కసరత్తు చేస్తున్నది. ఈ చిత్రం తదుపరి షెడ్యూల్ను యూరప్ నిర్వహించేందుకు యూనిట్ ప్లాన్ చేస్తున్నారు. ఈ చిత్ర యూనిట్ జూలై 19వ తేదీన యూరప్లోని పలు ప్రాంతాల్లో షూటింగ్ జరుపుకొనేందుకు బయలుదేరనున్నది.
త్రివిక్రమ్ తనదైన శైలిలో
యూరప్లో జరిగి తదుపరి షెడ్యూల్లో కొన్ని కీలక సన్నివేశాలను, యాక్షన్ ఎపిసోడ్స్, కొన్ని యాక్షన్ సీన్లను, కొన్ని పాటలను చిత్రీకరించేందుకు ప్లాన్ చేసినట్టు సమాచారం. దాదాపు ఈ చిత్ర షూటింగ్ సగం పూర్తయినా గానీ కథేంటో బయటకు తెలియలేదు. కానీ విశ్వసనీయ సమాచారం ప్రకారం రొమాంటిక్ ఎంటర్టైనర్ అని, త్రివిక్రమ్ తమదైన శైలిలో ఈ చిత్రాన్ని రూపొందిస్తున్నట్టు తెలుస్తున్నది.
అనిరుధ్ రవిచంద్రన్ సంగీతం
ఇంకా పేరుపెట్టని ఈ చిత్రంలో పవన్ కల్యాణ్ పక్కన కీర్తీ సురేశ్, అను ఇమ్మాన్యుయేల్ జోడిగా నటిస్తున్నారు. తమిళ సంగీత దర్శకుడు అనిరుద్ రవిచంద్రన్ తొలి చిత్రానికి సంగీతం అందిస్తున్నారు. ఎస్ రాధాకృష్ణ నిర్మాతగా వ్యవహరిస్తున్నారు. .
కొత్త గెటప్లో పవన్ కల్యాణ్
పవన్ కల్యాణ్ నటించిన తాజా చిత్రం కాటమరాయుడు. ఈ చిత్రంలో పంచెకట్టు, లాల్చీ, కోరమీసాలతో కనిపించిన పవర్ స్టార్ ఈ చిత్రంలో ప్రత్యేకమైన గెటప్లో కనిపించనున్నారు. ఈ పాత్ర కోసం పవన్ చాలా బరువు తగ్గి కుర్రాడిలా తయారయ్యాడు. పవన్ తాజా ఫోటోలు ఇంటర్నెట్లో వైరల్గా మారాయి. పవన్ గెటప్ చూసి అభిమానులు ఆనందంలో మునిగి తేలుతున్నారు.
దీపావళీకి విడుదల
ఇదిలా ఉంగా ఈ చిత్రాన్ని సెప్టెంబర్ కల్లా పూర్తి చేయాలన్నే దిశగా చర్యలు తీసుకొంటున్నారు. దీపావళి పండుగను పురస్కరించుకొని అక్టోబర్లో ఈ చిత్రాన్ని విడుదల చేయాలని ప్లాన్ చేశారు. సాఫ్ట్వేర్ ఇంజినీర్, గోపాలకృష్ణుడు అనే టైటిల్స్ ప్రచారంలో ఉన్నాయి కానీ వాటిపై ప్రకటన చేయలేదు. త్వరలోనే ఈ చిత్ర టైటిల్ను ప్రకటించే అవకాశం ఉంది.